തിരുവനന്തപുരം : ജീവനക്കാർക്ക് കൃത്യമായി ശമ്പളം പോലും നൽകാൻ വകയില്ലാതെ നട്ടംതിരിയുന്ന കെഎസ്ആർടിസിയെ കൂടുതൽ കടുത്ത സാമ്പത്തിക പ്രതിസന്ധിയിലേക്ക് തള്ളിവിട്ടുകൊണ്ട് യുഡിഎഫ് പ്രഖ്യാപിച്ച, കെഎസ്ആർടിസി ബസുകളിൽ സ്ത്രീകൾക്കായി പ്രഖ്യാപിച്ച സൗജന്യയാത്ര പദ്ധതിയുടെ അന്തിമരൂപരേഖ തയ്യാറാക്കാൻ സർക്കാർ നാളെ ഉന്നത ഉദ്യോഗസ്ഥരുടെ യോഗം വിളിച്ചു. ഓർഡിനറി, ലിമിറ്റഡ് സ്റ്റോപ്പ് ബസുകൾക്ക് പുറമെ ഫാസ്റ്റ് പാസഞ്ചർ സർവീസുകളിൽക്കൂടി ആനുകൂല്യം നൽകാനാണ് സർക്കാരിന്റെ നീക്കം.
നിലവിലെ കണക്കനുസരിച്ച് പ്രതിദിനം പന്ത്രണ്ട് ലക്ഷത്തോളം സ്ത്രീ യാത്രക്കാരാണ് കെഎസ്ആർടിസിയെ ആശ്രയിക്കുന്നത്. ഇവർക്ക് സൗജന്യയാത്ര അനുവദിക്കുന്നതോടെ പ്രതിമാസം കുറഞ്ഞത് 60 കോടി രൂപയെങ്കിലും സർക്കാർ കെഎസ്ആർടിസിക്ക് സബ്‌സിഡിയായി നൽകേണ്ടി വരും. ജീവനക്കാരുടെ ശമ്പളവും പെൻഷനും കൊടുക്കാൻ പോലും എല്ലാ മാസവും സർക്കാരിന് മുന്നിൽ കൈനീട്ടേണ്ടി വരുന്ന കെഎസ്ആർടിസിക്ക് മേൽ ഈ പുതിയ ബാധ്യത എങ്ങനെ മറികടക്കും എന്ന കാര്യത്തിൽ ഇപ്പോഴും വ്യക്തതയില്ല.
കർണാടകയിലും തമിഴ്‌നാട്ടിലും ഇത്തരം പദ്ധതികൾ ഉണ്ടെങ്കിലും അത് കൃത്യമായ മാനദണ്ഡങ്ങളോടെയാണ് നടപ്പാക്കുന്നത്. കർണാടകയിൽ എസി, സ്ലീപ്പർ ബസുകളെ ഒഴിവാക്കിയപ്പോൾ തമിഴ്‌നാട്ടിൽ ഓർഡിനറി ബസുകളിൽ മാത്രമാണ് സ്ത്രീകൾക്ക് ഇളവുള്ളത്. എന്നാൽ കേരളത്തിലാകട്ടെ, യാതൊരുവിധ മുൻകരുതലുകളുമില്ലാതെ ഫാസ്റ്റ് പാസഞ്ചറുകളിൽ കൂടി ആനുകൂല്യം എത്തിക്കാനാണ് ജനപ്രിയ പ്രഖ്യാപനങ്ങളിലൂടെ കൈയടി നേടാൻ ശ്രമിക്കുന്ന സർക്കാർ ലക്ഷ്യമിടുന്നത്. അന്തർ ജില്ലാ യാത്രകൾക്ക് ഈ ആനുകൂല്യം ബാധകമാക്കണമോ, പ്രായപരിധി നിശ്ചയിക്കണമോ എന്നതിലൊന്നും നാളിതുവരെ ഒരു തീരുമാനത്തിലും എത്താൻ സർക്കാരിനായിട്ടില്ല.
പദ്ധതി ജൂൺ 15 മുതൽ നടപ്പാക്കാനാണ് ആലോചനയെങ്കിലും കോടികളുടെ ഈ അധിക ബാധ്യത സംസ്ഥാന ഖജനാവിന് താങ്ങാൻ കഴിയുന്നതിലും അപ്പുറമാണ്. കെഎസ്ആർടിസിയുടെ ദൈനംദിന സർവീസുകൾ പോലും ഡീസൽ അടിക്കാൻ പണമില്ലാതെ പ്രതിസന്ധിയിലാകുന്ന സാഹചര്യത്തിലാണ് പുതിയ പ്രഖ്യാപനം. കോടിക്കണക്കിന് രൂപയുടെ സബ്‌സിഡി കുടിശ്ശിക കെഎസ്ആർടിസിക്ക് കൃത്യസമയത്ത് നൽകാൻ സർക്കാരിന് കഴിഞ്ഞില്ലെങ്കിൽ ആനുകൂല്യം പ്രഖ്യാപനത്തിൽ മാത്രം ഒതുങ്ങുകയും സാധാരണക്കാരുടെ ഏക ആശ്രയമായ പൊതുഗതാഗത സംവിധാനം പൂർണ്ണമായി തകരുകയും ചെയ്യുമെന്നാണ് ഉയരുന്ന പ്രധാന വിമർശനം. നാളത്തെ യോഗത്തിന് ശേഷം മാത്രമേ ഈ പ്രഖ്യാപനത്തിന്റെ പിന്നിലെ യഥാർത്ഥ ചിത്രം വ്യക്തമാകൂ.
1977-ൽ തിഹാർ ജയിലിൽ കഴിയുമ്പോൾ മുൻ പ്രധാനമന്ത്രി ഇന്ദിരാഗാന്ധി സഹതടവുകാരിയായ മേരി ആൻഡ്രി ലെക്ലർക്ക് എന്ന കനേഡിയൻ യുവതിക്ക് സ്വന്തം…
നീരേറ്റുപുറം ചക്കുളത്തുകാവ് ശ്രീഭഗവതി ക്ഷേത്രത്തിലെ ചരിത്രപ്രസിദ്ധമായ പൊങ്കാല മഹോത്സവം കുറ്റമറ്റ രീതിയിൽ സംഘടിപ്പിക്കുന്നതിനായി വിവിധ സർക്കാർ വകുപ്പുകളെയും ജനപ്രതിനിധികളെയും ഏകോപിപ്പിച്ചുകൊണ്ടുള്ള…
ലോകബാങ്കിന്റെ ഏറ്റവും പുതിയ അന്താരാഷ്ട്ര കടാന്വേഷണ റിപ്പോർട്ട് പ്രകാരം അയൽരാജ്യമായ പാകിസ്ഥാന്റെ വിദേശക്കടം കഴിഞ്ഞ പത്തുവർഷത്തിനുള്ളിൽ ഇരട്ടിയായി വർദ്ധിച്ചതായി കണക്കുകൾ…
തിരുവനന്തപുരം: സമരപ്പന്തൽ പൊളിച്ചുനീക്കിയാലും യുവാക്കളുടെ നീതിക്കുവേണ്ടിയുള്ള പോരാട്ടം അവസാനിപ്പിക്കാനാകില്ലെന്ന് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ എംഎൽഎ. സെക്രട്ടേറിയറ്റിന് മുന്നിൽ…
പട്ടാമ്പിയിൽ ആൺസുഹൃത്തിനെതിരെ ക്വട്ടേഷൻ ആക്രമണം ആസൂത്രണം ചെയ്തെന്ന കേസിൽ പ്രതിസ്ഥാനത്തുള്ള പെൺകുട്ടികളുടെ പങ്കാണ് ഇപ്പോൾ ചർച്ചയാകുന്നത്. ആൺസുഹൃത്തിന്റെ അമിത നിയന്ത്രണവും…