ഗണേശ ഘോഷയാത്രയ്ക്ക് നേരെ മതമൗലികവാദികളുടെ ചീമുട്ടയേറ്; ഒരാൾ പിടിയിൽ; ആക്രമണത്തിൽ പ്രതിഷേധിച്ച് ഭക്തർ

മുംബൈ: ഗണേശ വിഗ്രഹം വഹിച്ചുകൊണ്ടുള്ള ഘോഷയാത്രയ്‌ക്ക് നേരെ മുട്ടയേറ് നടത്തിയ അക്രമികളിൽ ഒരാളെ പോലീസ് പിടികൂടി. 25 കാരനായ അബ്ദുൾ കലിം എന്ന ഷഹബാസ് ആണ് പിടിയിലായത്.

സൗത്ത് മുംബൈയിലെ നാഗപാഡയിലാണ് സംഭവം നടന്നത്. ചിഞ്ച്‌പോക്ലി എന്ന സ്ഥലത്ത് നിന്നും കാമാത്തിപുരയിലേക്ക് ഗണേശ വിഗ്രഹം വഹിച്ചു കൊണ്ടുവരികയായിരുന്നു വിശ്വാസികൾ. ആ സമയം യാതൊരു പ്രകോപനവുമില്ലാതെ പ്രതികൾ വിഗ്രഹത്തിന് നേരെ ചീമുട്ടയെറിയുകയായിരുന്നു.

ഇന്ത്യൻ ശിക്ഷാനിയമം 153 എ (മതത്തിന്റെ അടിസ്ഥാനത്തിൽ വിവിധ ഗ്രൂപ്പുകൾക്കിടയിൽ ശത്രുത വളർത്തൽ), 295 എ (ഏതെങ്കിലും മതവികാരങ്ങളെ പ്രകോപിപ്പിക്കാൻ ഉദ്ദേശിച്ചുള്ള ബോധപൂർവവും വിദ്വേഷപരവുമായ പ്രവൃത്തികൾ) എന്നിവ പ്രകാരം പ്രതികൾക്കെതിരെ കേസെടുത്തിട്ടുണ്ട്. സംഭവത്തിൽ ഇനിയും പ്രതികൾ അറസ്റ്റിലാവാനുണ്ടെന്ന് പോലീസ് വ്യക്തമാക്കി.