കരസേനയുടെ വാർ കോളേജിന് പുതിയ മേധാവി; നിയമിതനായത് കശ്മീരിലെ ഭീകരർക്കെതിരെ ശക്തമായ പോരാട്ടം നടത്തി പ്രശംസ പിടിച്ചു പറ്റിയ ജനറൽ ദേവേന്ദ്ര പ്രതാപ് പാണ്ഡെ

ദില്ലി: കരസേനയുടെ വാർ കോളേജിന് പുതിയ മേധാവിയായി ലഫ്. ജനറൽ ദേവേന്ദ്ര പ്രതാപ് പാണ്ഡെ നിയമിതനായി. മധ്യപ്രദേശിൽ സ്ഥിതിചെയ്യുന്ന ആർമി വാർ കോളേജ് ചുമതല ജൂൺ മാസമാദ്യം പാണ്ഡെ ഏറ്റെടുക്കും. ജമ്മുകശ്മീരിലെ ചിനാർ കോറിന്റെ മേധാവിയായി നിലവിൽ സേവനമനുഷ്ഠിക്കുന്ന ഉദ്യോഗസ്ഥനാണ് പാണ്ഡെ.

കശ്മീരിലെ ഭീകരർക്കെതിരെ ശക്തമായ പോരാട്ടം നടത്തി ഏറെ പ്രശംസ പിടിച്ചുപറ്റിയ ഉദ്യോഗസ്ഥനാണ് ദേവേന്ദ്ര പ്രതാപ് പാണ്ഡെ. ചിനാർ കോർ കമാന്ററാകുന്നതിന് മുമ്പ് ടെറിട്ടോറിയൽ ആർമിയുടെ മേധാവിയായിരുന്നു.

യുവസൈനികർക്ക് ലഭിക്കുന്നത് ഇന്ത്യൻ സൈന്യത്തിലെ ഏറ്റവും മികച്ച പോരാളിയുടെ സേവനമാണിതെന്ന് വ്യക്തായി തന്നെ പറയാം. നിലവിൽ ചുമതല വഹിച്ചിരുന്ന ലെഫ്. ജനറൽ വി.എസ്.ശ്രീനിവാസൻ വിരമിക്കുന്നതിനാലാണ് പാണ്ഡെ ചുമതല ഏൽക്കുന്നത്. ഇന്ത്യൻ കരസേനയുടെ യുദ്ധകാലഘട്ട പരിശീലനം. വിവിധ മേഖലകളിലെ ഗവേഷണം. കരസേനയ്‌ക്കായുള്ള ആയുധങ്ങളും വാഹനങ്ങളും മറ്റ് അനുബന്ധ ഉപകരണങ്ങളും നിർമ്മിക്കലടക്കം പഠിപ്പിക്കുന്ന സ്ഥാപനമാണ് വാർ കോളേജ്.