സർക്കാർ ജീവനക്കാർക്ക് നാലാം ശനിയാഴ്ചയും അവധിയാക്കണമെന്ന ശുപാർശ തള്ളി ; തീരുമാനവുമായി മുഖ്യമന്ത്രി

തിരുവനന്തപുരം: നാലാം ശനിയാഴ്ചയും സർക്കാർ ജീവനക്കാർക്ക് അവധിയാക്കണമെന്ന ഭരണ പരിഷ്ക്കര കമ്മീഷന്റെ ശുപാർശ തള്ളി മുഖ്യമന്ത്രി പിണറായി വിജയൻ . പ്രവർത്തി ദിവസം 15 മിനിറ്റ് കൂട്ടി നാലാം ശനിയാഴ്ച അവധിയാക്കണമെന്നായിരുന്നു സർവീസ് സംഘടനകൾക്ക് മുന്നിൽ ചീഫ് സെക്രട്ടറി വച്ച നിർദ്ദേശം. പ്രതി വർഷം 20 കാഷ്വൽ ലീവ് 18 ആയി കുറയ്ക്കാനും നിർദേശിച്ചിരുന്നു. എന്നാൽ ഈ നിർദ്ദേശത്തെ എൻജിഒ യൂണിയനും സെക്രട്ടറിയേറ്റ് സർവീസ് അസോസിയേഷനും ശക്തമായി എതിർത്തിരുന്നു.. ഇതേ തുടർന്നായിരുന്നു മുഖ്യമന്ത്രിയുടെ തീരുമാനം.

സര്‍ക്കാര്‍ ജീവനക്കാരുടെ ആശ്രിത നിയമനം നിയന്ത്രിക്കാനാണ് സർക്കാർ ജീവനക്കാർക്ക് മുന്നിൽ നാലാം ശനിയാഴ്ച അവധിയെന്ന നിർദ്ദേശം സംസ്ഥാന സർക്കാർ വച്ചത്. പ്രതിദിന പ്രവർത്തി സമയം കൂട്ടുന്നതിനൊപ്പം അഞ്ച് കാഷ്വൽ ലീവ് കുറയ്ക്കുമെന്നും സർവീസ് സംഘടനകളോട് ചീഫ് സെക്രട്ടറി അറിയിച്ചിരുന്നു. എന്നാൽ എതിർപ്പിനെ തുടർന്ന് കാഷ്വൽ ലീവുകളുടെ എണ്ണം രണ്ടാക്കിയിട്ടും സംഘടനകളുടെ എതിർപ്പ് തുടരുകയാണ്. അവധി സംബന്ധിച്ച് സംസ്ഥാന ചീഫ് സെക്രട്ടറി ജീവനക്കാരുടെ സംഘടന പ്രതിനിധികളുമായി ചർച്ച നടത്തി തീരുമാനമെടുക്കാനായി ഫയൽ മുഖ്യമന്ത്രിക്ക് കൈമാറുകയായിരുന്നു.