കൊച്ചി : പാതിവില തട്ടിപ്പ് കേസില് സായിഗ്രം ഗ്ലോബല് ട്രസ്റ്റ് മാനേജിംഗ് ട്രസ്റ്റി ആനന്ദ്കുമാറിന് കനത്ത തിരിച്ചടി. കേസുമായി ബന്ധപ്പെട്ട് നിലവിൽ ജയിലുള്ള ആനന്ദ്കുമാറിന്റെ ജാമ്യാപേക്ഷ കോടതി തള്ളി. കേസിൽ ആനന്ദ് കുമാറിന് നേരിട്ട് പങ്കുണ്ടെന്നതില് തെളിവുണ്ടെന്ന് കോടതി വ്യക്തമാക്കി. സ്കൂട്ടര് വാഗ്ദാനം ചെയ്ത വനിതകളില് നിന്ന് ട്രസ്റ്റ് നേരിട്ട് പണം കൈപ്പറ്റിയതിന്റെ രേഖകകള് ക്രൈംബ്രാഞ്ച് ഹൈക്കോടതിയില് സമര്പ്പിച്ചു. കൂടുതല് അന്വേഷണത്തിന് ആനന്ദ് കുമാറിനെ കസ്റ്റഡിയില് വേണമെന്ന ക്രൈംബ്രാഞ്ചിന്റെ വാദം അംഗീകരിച്ചാണ് ജസ്റ്റിസ് പിവി കുഞ്ഞികൃഷ്ണന് ജാമ്യാപേക്ഷ തള്ളിയത്. ആരോഗ്യപരമായ കാരണങ്ങളാള് ജാമ്യം നല്കണമെന്ന വാദവും കോടതി അംഗീകരിച്ചില്ല.
21 സ്ത്രീകളില് നിന്ന് 60000 രൂപയും അഞ്ചു പേരില് നിന്ന് 56,000 രൂപയും 2024 എപ്രില് ആറിനും ഒന്പതിനും ഇടയ്ക്ക് സായിഗ്രാമിന്റെ അക്കൗണ്ടിലെത്തിയതായി ക്രൈംബ്രാഞ്ച് കോടതിയെ അറിയിച്ചു. മറ്റ് എന്ജിഒകളും ഇതേ തുക തന്നെയാണ് കൈപറ്റിയത്. കൈംബ്രാഞ്ച് സമര്പ്പിച്ച രേഖകള് മുന്നിര്ത്തിയാണ് അനന്ദ് കുമാറിന്റെ പങ്ക് തള്ളിക്കളയാനാകില്ലെന്ന് കോടതി നിരീക്ഷിച്ചത്.
ഫണ്ട് ലഭ്യതയെ കുറിച്ച് പരിശോധിച്ചിരുന്നില്ലെന്ന് ആനന്ദ്കുമാറിന്റെ വാദം വിശ്വസിനീയമല്ലെന്നും സായി ഗ്രാമിന്റെ മാനേജിംഗ് ട്രസ്റ്റി എന്ന നിലയ്ക് ഉത്തരവാദിത്തത്തില് നിന്ന് ഒഴിഞ്ഞുമാറാന് സാധിക്കില്ലെന്നും കോടതി വ്യക്തമാക്കി.
