ബൈക്കിൽ പിന്തുടർന്ന് ഭാര്യയെ ശല്യം ചെയ്തു, ചോദ്യം ചെയ്ത ഭർത്താവിന് മർദ്ദനം; പരാതി നൽകിയിട്ടുംതിരിഞ്ഞുപോലും നോക്കാതെ പോലീസ്!

കോഴിക്കോട്: ബൈക്ക് യാത്രികരായ യുവ ദമ്പതികൾക്ക് നേരെ അതിക്രമം. കോഴിക്കോട് നഗരത്തിലാണ് സംഭവം. രണ്ടു ബൈക്കുകളിലായി പിന്തുടർന്ന് എത്തിവർ ഭാര്യയെ ശല്യം ചെയ്തതിനെ തുടർന്ന് ചോദ്യം ചെയ്ത ഭർത്താവിനെ മർദ്ദിക്കുകയായിരുന്നു.സംഭവത്തിൽ പോലീസ് നടപടിയെടുത്തിട്ടില്ലെന്നാണ് ആരോപണം.

രാത്രി തന്നെ രേഖാമൂലം പോലീസിൽ പരാതി നൽകിയിരുന്നു. എന്നാൽ ഇതുവരെ പോലീസ് തിരക്കുക പോലും ചെയ്തില്ലെന്ന് കുടുംബം പറയുന്നു. നടക്കാവ് പോലീസിലും സിറ്റി ട്രാഫിക്കിലും പരാതി നൽകിയിരുന്നു. ഇരിങ്ങാടൻപള്ളി സ്വദേശി അശ്വിനും ഭാര്യയ്ക്കുമാണ് ദുരനുഭവമുണ്ടായത്.