കേന്ദ്രസേന പള്ളിയിലെത്തും; കോതമംഗലം പള്ളി വിഷയത്തിൽ ശക്തമായ ഉത്തരവുമായി ഹൈക്കോടതി

കോതമംഗലം പള്ളി ജനുവരി എട്ടിനകം പള്ളി തന്നെ ഏറ്റെടുക്കാൻ ഹൈക്കോടതി ഉത്തരവ്. വിധി നടപ്പാക്കിയില്ലെങ്കിൽ കേന്ദ്ര സേനയെ ഉപയോഗിച്ച് പള്ളി ഏറ്റെടുക്കണമെന്നും കോടതി സർക്കാരിന് നിർദേശം നൽകി. ഇക്കാര്യം അഡീഷണൽ സോളിസിറ്റർ ജനറൽ സിആർപിഎഫിനെ അറിയിക്കണമെന്നും ഹൈക്കോടതി വ്യക്തമാക്കി. സിആർപിഎഫ് പള്ളിപ്പുറം ക്യാംപിനാകും ഇതിന്റെ ചുമതല. ഓർത്തഡോക്സ് സഭ നൽകിയ കോടതി അലക്ഷ്യ ഹർജിയിലാണ് കോടതിയുടെ ഉത്തരവ്. കോതമംഗലം പളളി ഏറ്റെടുക്കണമെന്ന ഉത്തരവ് സ്‌റ്റേ ചെയ്യണമെന്ന് യാക്കോബായ സഭയുടെ ആവശ്യം കോടതി തള്ളി.