‘500 വർഷത്തിന് ശേഷം ആദ്യമായി അയോദ്ധ്യാപുരിയിൽ ഹോളി ആഘോഷിച്ചു; ഇനി അടുത്ത ഊഴം മഥുരയുടേത്!’ യോഗി ആദിത്യനാഥ്

ലക്നൗ: 500 വർഷത്തിന് ശേഷം ആദ്യമായി അയോദ്ധ്യാപുരിയിൽ ഹോളി ആഘോഷിച്ചു, അടുത്ത ഊഴം മഥുരയുടേതാണെന്ന് യുപി മുഖ്യമന്ത്രി യോഗി ആദിത്യനാഥ്. പടിഞ്ഞാറൻ യുപിയിൽ നടന്ന പ്രബുദ്ധ സമ്മേളനങ്ങൾ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം.

‘500 വർഷത്തിന് ശേഷം ആദ്യമായി ശ്രീരാമൻ തന്റെ ജന്മസ്ഥലമായ അയോദ്ധ്യയിൽ ഹോളി ആഘോഷിച്ചു. അടുത്തത് മഥുരയുടെയും വൃന്ദാവനത്തിന്റെയും പുണ്യ പാതകൾ അതിനായി കാത്തിരിക്കുകയാണ്. ഈ ലോക്‌സഭാ തെരഞ്ഞെടുപ്പിൽ ഏത് പാർട്ടിക്ക് വോട്ട് ചെയ്യണമെന്ന കാര്യത്തിൽ വോട്ടർമാർക്ക് സംശയമില്ലെന്നും അദ്ദേഹം പറഞ്ഞു.

പ്രധാനമന്ത്രി നരേന്ദ്രമോദിയുടെ തുടർച്ചയായ മൂന്നാമത്തെ ഭരണം നമ്മുടെ രാജ്യത്തെ ലോകത്തിലെ മൂന്നാമത്തെ വലിയ സമ്പദ്‌വ്യവസ്ഥയായി മാറും. ആർട്ടിക്കിൾ 370 റദ്ദാക്കിയത് മോദിയുടെ
ധൈര്യമാണ്. രാമക്ഷേത്ര നിർമ്മാണത്തിന്റെ ക്രെഡിറ്റ് മോദിജിക്കല്ലാതെ മറ്റാർക്കും അവകാശപ്പെട്ടതല്ല. കഴിഞ്ഞ അഞ്ച് നൂറ്റാണ്ടിൽ സംഭവിക്കാത്തത് നരേന്ദ്രമോദിയുടെ നേതൃത്വത്തിൽ സാധ്യമാക്കിയെന്നും യോഗി ആദിത്യനാഥ് പറഞ്ഞു.