കൊച്ചി: മലപ്പുറത്ത് ചട്ടിപ്പറമ്പിൽ വീട്ടിൽ വച്ച് നടത്തിയ പ്രസവത്തിന് യുവതി മരിച്ച സംഭവത്തില് പോസ്റ്റ്മോര്ട്ടം റിപ്പോര്ട്ട് പുറത്ത്. അമിത രക്തസ്രാവമാണ് മരണകാരണമെന്ന് പോസ്റ്റ്മോര്ട്ടം റിപ്പോര്ട്ടില് പറയുന്നു. ആശുപത്രിയിൽ എത്തിച്ചിരുന്നെങ്കില് ജീവന് രക്ഷിക്കാന് സാധിക്കുമായിരുന്നുവെന്നും പോസ്റ്റ്മോര്ട്ടം റിപ്പോര്ട്ടില് പറയുന്നുഇതോടെ പ്രസവസമയത്ത് വേണ്ടത്ര പരിചരണം ലഭിക്കാത്തതാണ് മരണത്തിനിടയാക്കിയതെന്ന പോലീസിന്റെ പ്രാഥമിക നിഗമനം ശരിയായി.കളമശ്ശേരി മെഡിക്കല് കോളേജ് ആശുപത്രിയില് ആയിരുന്നു പോസ്റ്റ്മോര്ട്ടം നടന്നത്
പെരുമ്പാവൂർ സ്വദേശിയായ അസ്മ (35) ആണ് മലപ്പുറത്ത് ഭർത്താവിന്റെ വീട്ടിൽവെച്ച് പ്രസവത്തിനിടെ മരിച്ചത്. സംഭവത്തില് യുവതിയുടെ ഭര്ത്താവ് സിറാജുദ്ദീനെ മലപ്പുറം പൊലീസ് കസ്റ്റഡിയില് എടുത്തു. ഇയാള്ക്കെതിരെ മനപൂര്വമായ നരഹത്യാക്കുറ്റം ചുമത്തും. പെരുമ്പാവൂര് സ്വദേശിയായ അസ്മ മലപ്പുറത്ത് ഭര്ത്താവിന്റെ വീട്ടില്വെച്ച് പ്രസവത്തിനിടെയാണ് മരിച്ചത്. ശനിയാഴ്ച വൈകുന്നേരമാണ് മരണം നടന്നത്.
