ദില്ലിയിൽ ഏഴ് മാസം ഗർഭിണിയെ പെട്രോൾ ഒഴിച്ച് തീകൊളുത്തി ഭർത്താവും ഭർതൃവീട്ടുകാരും;സംഭവത്തിൽ പോലീസിന് നോട്ടീസ് അയച്ച് വനിതാ കമ്മീഷൻ

ദില്ലി : ദില്ലിയിലെ ഭവാനയിൽ ഗർഭിണിയായ യുവതിയ്ക്കെതിരെ ഭർത്താവിന്റെയും ഭർതൃവീട്ടുകാരുടെയും കൊലപാതക ശ്രമം. ഏഴ് മാസം ഗർഭിണിയായ യുവതിയെ പെട്രോൾ ഒഴിച്ച് തീകൊളുത്തുകയായിരുന്നു. ഗുരുതരമായി പൊള്ളലേറ്റ യുവതി ആശുപത്രിയിൽ പ്രവേശിപ്പിച്ചു .

സംഭവത്തിൽ പോലീസിന് നോട്ടീസ് അയച്ചതായി ഡൽഹി വനിതാ കമ്മീഷൻ ചെയർപേഴ്‌സൺ സ്വാതി മാലിവാൾ പറഞ്ഞു . യുവതിക്ക് വേണ്ട സഹായങ്ങൾ ഉറപ്പാക്കിയിട്ടുണ്ടെന്നും സ്വാതി മാലിവാൾ വ്യക്തമാക്കി.

കഴിഞ്ഞ ഏതാനും നാളുകളായി രാജ്യതലസ്ഥാനത്ത് വൻ തോതിലാണ് അക്രമങ്ങൾ അരങ്ങേറുന്നത്. സ്ത്രീകൾക്കെതിരായ അതിക്രമങ്ങൾ നിരന്തരം റിപ്പോർട്ട് ചെയ്യപ്പെടുന്ന ദില്ലിയിൽ കഴിഞ്ഞ വർഷത്തിൽ അതിക്രമങ്ങൾ 16.9 ശതമാനം വർധിച്ചിട്ടുണ്ടെന്നാണ് റിപ്പോർട്ട് .