അഞ്ച് മിനിറ്റ് പോലും ഞാൻ ബിഗ് ബോസ് എന്ന പരിപാടി കണ്ടിട്ടില്ല;അതിലും ഭേദം ലുലുമാളിൽ പോയി നടുറോഡിൽ നിന്ന് നാലുപേരെ മുണ്ടുപൊക്കി കാണിക്കുന്നതല്ലേ;അഖിൽ മാരാറിന്റെ പഴയ അഭിമുഖം വൈറൽ

ബിഗ് ബോസ് മലയാളത്തിന്റെ അഞ്ചാം പതിപ്പിന് തിരി തെളിഞ്ഞിട്ട് രണ്ടു ദിവസമാണ് പിന്നിടുന്നത്. എന്നാൽ അതിനു മുൻപ് അടിയും പിടിയുമായി ബിഗ് ബോസ് ചർച്ച വിഷയമായി കഴിഞ്ഞു. അഞ്ചാം പതിപ്പിലെ മത്സരാർത്ഥിയായ സംവിധായകൻ അഖിൽ മാരാർ മുൻപ് ബിഗ്‌ബോസിനെക്കുറിച്ച് പറഞ്ഞ ചില കാര്യങ്ങളാണ് വീണ്ടും സോഷ്യൽ മീഡിയയിൽ ചർച്ചയാകുന്നത്. ബിഗ്‌ബോസിലേക്ക് വിളിച്ചാല്‍ പോകില്ലെന്നാണ് അന്ന് അഖിൽ മാരാർ ഒരു ചാനലിന് നല്‍കിയ അഭിമുഖത്തില്‍ പറഞ്ഞത്.

എനിക്ക് ഇതുപോലെ പുച്ഛമുള്ള പരിപാടി കേരളത്തിലില്ലായിരുന്നു. അഞ്ച് മിനിട്ട് പോലും ഞാനത് തികച്ചു കണ്ടിട്ടില്ലെന്ന് അഖിൽ മാരാർ പറഞ്ഞിരുന്നു. ഒരാൾക്ക് ആരാധന തോന്നുകയും അതിനകത്ത് കയറണമെന്നും തോന്നുന്നത് എവിടെയാണെന്നും ഇതിപ്പോൾ രജിത് കുമാർ എന്ന മനുഷ്യൻ ഇതിന് മുൻപേ വൈറലായിട്ടിട്ടില്ലേ എന്നുമാണ് അഖിൽ മാരാർ അന്ന് ചോദിച്ചത്. കഴിഞ്ഞ വർഷത്തെ ബിഗ് ബോസ് ലിസ്റ്റിൽ ഞാൻ ഉണ്ടായിരുന്നുവെന്ന് പലരും എന്നോട് പറഞ്ഞതാണ്. എന്നെ വിളിച്ചിട്ടൊന്നുമില്ല, പക്ഷെ വിളിച്ചാൽ, ജോജു ചേട്ടനൊക്കെ പറയുന്നത് നീ പോകണം എന്നാണ്. മാത്രമല്ല ഇതൊന്നും ഒന്നുമല്ല എന്ന് പോയി കാണിച്ചുകൊടുക്കണമെന്ന് എനിക്കും തോന്നാറുണ്ട്. പക്ഷെ നാലിന്റെ അന്ന് എന്തെങ്കിലും കാണിച്ച് അഞ്ചിന്റെ അന്ന് ഞാൻ പുറത്താകും. അഞ്ച് മിനിറ്റ് പോലും ഞാൻ ബിഗ് ബോസ് എന്ന പരിപാടി കണ്ടിട്ടില്ല. അതിലും ഭേദം ഞാൻ ലുലുമാളിൽ പോയി നടുറോഡിൽ നിന്ന് നാലുപേരെ മുണ്ടുപൊക്കി കാട്ടി നാലുപേരെ കൂട്ടുന്നതല്ലേ. അത് കാണാനും കുറെ പേര് വരില്ലേ. ഭ്രാന്താണെന്നൊക്കെ ആളുകൾ പറയും, പക്ഷെ ഞാൻ വിചാരിക്കും എന്റെ ഫോളോവേഴ്സ് ആണെന്നായിരുന്നു ഒരു ചാനലിന് നൽകിയ അഭിമുഖത്തിൽ അഖിൽ മാരാർ പറഞ്ഞത്.