ഞാൻ എന്നും ബിജെപിക്കൊപ്പം ,തിരുവനന്തപുരത്ത്‌ കുമ്മനത്തിനു വേണ്ടി പ്രവർത്തിക്കും; കോൺഗ്രസ്സുകാരുടെ വായടപ്പിച്ചു ശ്രീശാന്തിന്റെ ട്വീറ്റ്

തിരുവനന്തപുരം: കോൺഗ്രസിൽ ചേർന്നെന്ന പ്രചരണം തെറ്റെന്ന് വിശദീകരിച്ച് ക്രിക്കറ്റ് താരം ശ്രീശാന്തിന്റെ ട്വീറ്റ് . താൻ എല്ലാകാലത്തും ബിജെപി പ്രവർത്തകനാണെന്നും ബിജെപി കുടുംബത്തിനൊപ്പമാണ് മനസ്സെന്നും ശ്രീശാന്ത് ട്വിറ്ററിൽ കുറിച്ചു . താൻ തിരുവനന്തപുരത്ത് ശശി തരൂരിനെ കണ്ടത് സ്വകാര്യമായാണെന്നും കേസിന്റെ കാര്യത്തിന് കൂടെ നിന്നതിന് നന്ദി അറിയിക്കാനാണെന്നും പോയതെന്നും വ്യക്തമാക്കിയിട്ടുണ്ട് . തരൂരിനെ സന്ദർശിച്ചാൽ അതിന് അർത്ഥം കോൺഗ്രസിൽ ചേർന്നു എന്നല്ല .

തിരുവനന്തപുരത്ത് തന്റെ പിന്തുണ ബിജെപി നേതാവ് കുമ്മനം രാജശേഖരനാണെന്നാണ് ശ്രീശാന്ത് ട്വീറ്റിൽ പറയുന്നുണ്ട് . തിരുവനന്തപുരത്ത് സ്വകാര്യ ചടങ്ങിനെത്തിയ ശ്രീശാന്ത് ശശി തരൂരിനെ കണ്ടത് വിവാദമായിരുന്നു. തരൂരിന്റെ വീട്ടിലെത്തിയ ശ്രീശാന്തിനെ തരൂർ കോൺഗ്രസ് ഷാൾ അണിയിച്ചിരുന്നു. ഇതിനെ കോൺഗ്രസിലേക്ക് ശ്രീശാന്ത് എത്തിയതിന് തെളിവായി കോൺഗ്രസുകാർ സോഷ്യൽ മീഡിയ വഴി പ്രചരിപ്പിചിരുന്നു . ഈ സാഹചര്യത്തിലാണ് സംഭവത്തിൽ കൂടുതൽ വ്യക്തതയുമായി ശ്രീശാന്ത്‌ ട്വീറ്റ് ചെയ്തിരിക്കുന്നത് .