ഇടുക്കി ഏലത്തോട്ടത്തിൽ ദമ്പതിമാർ മരിച്ച നിലയിൽ; ആത്മത്യയെന്ന് സംശയം

ഇടുക്കി: ഏലത്തോട്ടത്തിൽ ദമ്പതിമാർ മരിച്ച നിലയിൽ കണ്ടെത്തി. ഇടുക്കിയിലെ ശാന്തൻപാറയിലെ ഏലത്തോട്ടത്തിലാണ് ദമ്പതിമാരെ മരിച്ച നിലയിൽ കണ്ടെത്തിയത്. പേത്തൊട്ടി സ്വദേശികളായ പാണ്ഡ്യരാജ്, ഭാര്യ ശിവരഞ്ജിനി എന്നിവരാണ് മരിച്ചത്.

വീട്ടിൽ നിന്നും രണ്ട് കിലോമീറ്റർ മാറിയുള്ള ഏലത്തോട്ടത്തിലാണ് ഇരുവരുടെയും മൃതദേഹം ഏലത്തോട്ടത്തിൽ കണ്ടെത്തിയത്. രണ്ടു ദിവസമായി ഇരുവരെയും കാണാനില്ലായിരുന്നു. തുടർന്ന് നടത്തിയ തിരച്ചിലിലാണ് ഇവരുടെ തന്നെ ഏലത്തോട്ടത്തിൽ മൃതദേഹം കണ്ടെത്തിയത്.

ഇരുവരും വിഷം കഴിച്ച് ആത്മഹത്യ ചെയ്‌തെന്ന് സംശയിക്കുന്നതായി പോലീസ് പറഞ്ഞു. ശാന്തൻപാറ പോലീസ് ഇൻക്വസ്റ്റ് നടത്തി. നിലവിൽ മൃതദേഹങ്ങൾ പോസ്റ്റ്‌മോർട്ടത്തിനായി ഇടുക്കി മെഡിക്കൽ കോളേജിലേക്ക് മാറ്റി.