അരുണാചൽ പ്രദേശ് വിഷയത്തിൽ ചൈനയുടെ എതിർപ്പ് തള്ളി ഇന്ത്യ,അരുണാചൽ ഇന്ത്യയുടെ അവിഭാജ്യ ഘടകമെന്ന് വിദേശകാര്യ മന്ത്രാലയം, ചൈനയുടെ അവകാശവാദം നിരർത്ഥകവും അസംബന്ധവുമെന്ന് പ്രതികരണം

ദില്ലി : അരുണാചൽ പ്രദേശിലെ 27 സ്ഥലങ്ങളുടെയും ഭൗമ സവിശേഷതകളുടെയും ഔദ്യോഗിക പേരുകൾ ഇന്ത്യൻ മാപ്പിൽ ഉൾപ്പെടുത്തിയതിനെതിരെയുള്ള ചൈനയുടെ എതിർപ്പ് തള്ളി ഭാരതം. അരുണാചൽ പ്രദേശ് ഇന്ത്യയുടെ അവിഭാജ്യ ഘടകമാണെന്നും ഈ യാഥാർത്ഥ്യം മാറ്റാൻ ആർക്കും കഴിയില്ലെന്നും വിദേശകാര്യ മന്ത്രാലയം വ്യക്തമാക്കി. അരുണാചൽ പ്രദേശിലെ ചില പ്രദേശങ്ങൾക്ക് ചൈന തുടർച്ചയായി പുതിയ പേരുകൾ നൽകി വന്നിരുന്ന പശ്ചാത്തലത്തിലാണ്, പൊതുജനങ്ങൾക്കിടയിൽ കൃത്യമായ അവബോധം നൽകുന്നതിനായി കഴിഞ്ഞ ആഴ്ച ഇന്ത്യ ഔദ്യോഗികമായി 27 സ്ഥലങ്ങളുടെ പേരുകൾ സർവേ ഓഫ് ഇന്ത്യ മാപ്പിൽ ഉൾപ്പെടുത്തിയത്.

ചൈനീസ് നടപടികൾ നിരർത്ഥകവും അസംബന്ധവുമാണെന്ന് വിശേഷിപ്പിച്ച ഇന്ത്യ, അരുണാചൽ പ്രദേശ് എക്കാലത്തും ഇന്ത്യയുടെ ഭാഗമായിരുന്നുവെന്നും തുടരുമെന്നും ആവർത്തിച്ചു. 1959-ൽ ഇന്ത്യയും ചൈനയും തമ്മിൽ ആദ്യമായി സംഘർഷമുണ്ടായ യഥാർത്ഥ നിയന്ത്രണരേഖയ്ക്ക് സമീപമുള്ള ലോങ്ജു ഉൾപ്പെടെയുള്ള സുപ്രധാന സ്ഥലങ്ങൾ പുതിയ മാപ്പിൽ അടയാളപ്പെടുത്തിയിട്ടുണ്ട്. ഇന്ത്യയുടെ നടപടി നിയമവിരുദ്ധവും അസാധുവാവുമാണെന്നും അരുണാചൽ പ്രദേശിനെ ‘സാങ്നാൺ’ എന്നാണ് ചൈന വിശേഷിപ്പിക്കുന്നത് എന്നുമുള്ള ചൈനീസ് വിദേശകാര്യ മന്ത്രാലയത്തിന്റെ പ്രതികരണത്തിന് പിന്നാലെയാണ് ഇന്ത്യയുടെ ഈ നിർണായക നിലപാട്. ഇത്തരം കെട്ടിച്ചമച്ച പേരുകൾ നൽകി യാഥാർത്ഥ്യങ്ങളെ മാറ്റാൻ കഴിയില്ലെന്നും ഇരുരാജ്യങ്ങളും തമ്മിലുള്ള ബന്ധം സാധാരണ നിലയിലാക്കാനുള്ള ശ്രമങ്ങളെ ഇത് ബാധിക്കുമെന്നും ഇന്ത്യ മുന്നറിയിപ്പ് നൽകി.

അരുണാചൽ പ്രദേശിൽ കടന്നുകയറ്റങ്ങൾക്കും ചൈന പലതവണ ശ്രമിച്ചിട്ടുണ്ട്. ടിബറ്റിന്റെ തെക്കുഭാഗത്തുള്ള പ്രദേശമാണെന്ന് അവകാശപ്പെട്ട് അരുണാചൽ പ്രദേശിനെ ‘സാങ്നാൺ’ എന്നാണ് ചൈന വിളിക്കുന്നത്. 1962ലെ ഇന്ത്യ-ചൈന യുദ്ധകാലത്ത് അരുണാചൽ പ്രദേശ് അതിർത്തിയിലൂടെ ചൈനീസ് സൈന്യം ഇന്ത്യൻ പ്രദേശത്തേക്ക് വലിയ തോതിൽ കടന്നുകയറിയിരുന്നു. ഇതിനുപുറമെ, ഇന്ത്യയുടെ പരമാധികാരത്തെ ചോദ്യം ചെയ്യുന്നതിന്റെ ഭാഗമായി അരുണാചൽ പ്രദേശിലെ വിവിധ നഗരങ്ങൾക്കും മലനിരകൾക്കും നദികൾക്കും ചൈനീസ് പേരുകൾ നൽകി ഔദ്യോഗികമായി പുറത്തുവിടുന്ന രീതി ചൈന തുടരുന്നുണ്ട്. 2017 മുതൽ പല തവണകളായി ഇത്തരത്തിലുള്ള പുതിയ പേരുകളുടെ പട്ടിക ചൈനീസ് സിവിൽ കാര്യ മന്ത്രാലയം പ്രസിദ്ധീകരിച്ചിട്ടുണ്ട്. യഥാർത്ഥ നിയന്ത്രണരേഖയ്ക്ക് സമീപമുള്ള പ്രദേശങ്ങളിൽ ചൈന റോഡുകളും പാലങ്ങളും ഗ്രാമങ്ങളും നിർമ്മിച്ച് സൈനിക സാന്നിധ്യം ശക്തമാക്കുന്നത് ഇന്ത്യയുടെ സുരക്ഷയ്ക്ക് വെല്ലുവിളിയാകുന്നുണ്ട്. എന്നാൽ ചൈനയുടെ ഇത്തരം അവകാശവാദങ്ങളെയും നീക്കങ്ങളെയും ഇന്ത്യ എക്കാലത്തും ശക്തമായി എതിർക്കുകയും പ്രതിരോധിക്കുകയും ചെയ്തിട്ടുണ്ട്. അരുണാചൽ പ്രദേശ് ഇന്ത്യയുടെ അവിഭാജ്യ ഘടകമാണെന്നും ചൈനയുടെ ഇത്തരം കെട്ടിച്ചമച്ച അവകാശവാദങ്ങൾ യാഥാർത്ഥ്യത്തെ മാറ്റില്ലെന്നുമാണ് ഇന്ത്യയുടെ ഉറച്ച നിലപാട്.

ദില്ലി : അരുണാചൽ പ്രദേശിലെ 27 സ്ഥലങ്ങളുടെയും ഭൗമ സവിശേഷതകളുടെയും ഔദ്യോഗിക പേരുകൾ ഇന്ത്യൻ മാപ്പിൽ ഉൾപ്പെടുത്തിയതിനെതിരെയുള്ള ചൈനയുടെ എതിർപ്പ് തള്ളി ഭാരതം. അരുണാചൽ പ്രദേശ് ഇന്ത്യയുടെ അവിഭാജ്യ ഘടകമാണെന്നും ഈ യാഥാർത്ഥ്യം മാറ്റാൻ ആർക്കും കഴിയില്ലെന്നും വിദേശകാര്യ മന്ത്രാലയം വ്യക്തമാക്കി. അരുണാചൽ പ്രദേശിലെ ചില പ്രദേശങ്ങൾക്ക് ചൈന തുടർച്ചയായി പുതിയ പേരുകൾ നൽകി വന്നിരുന്ന പശ്ചാത്തലത്തിലാണ്, പൊതുജനങ്ങൾക്കിടയിൽ കൃത്യമായ അവബോധം നൽകുന്നതിനായി കഴിഞ്ഞ ആഴ്ച ഇന്ത്യ ഔദ്യോഗികമായി 27 സ്ഥലങ്ങളുടെ പേരുകൾ സർവേ ഓഫ് ഇന്ത്യ മാപ്പിൽ ഉൾപ്പെടുത്തിയത്.

ചൈനീസ് നടപടികൾ നിരർത്ഥകവും അസംബന്ധവുമാണെന്ന് വിശേഷിപ്പിച്ച ഇന്ത്യ, അരുണാചൽ പ്രദേശ് എക്കാലത്തും ഇന്ത്യയുടെ ഭാഗമായിരുന്നുവെന്നും തുടരുമെന്നും ആവർത്തിച്ചു. 1959-ൽ ഇന്ത്യയും ചൈനയും തമ്മിൽ ആദ്യമായി സംഘർഷമുണ്ടായ യഥാർത്ഥ നിയന്ത്രണരേഖയ്ക്ക് സമീപമുള്ള ലോങ്ജു ഉൾപ്പെടെയുള്ള സുപ്രധാന സ്ഥലങ്ങൾ പുതിയ മാപ്പിൽ അടയാളപ്പെടുത്തിയിട്ടുണ്ട്. ഇന്ത്യയുടെ നടപടി നിയമവിരുദ്ധവും അസാധുവാവുമാണെന്നും അരുണാചൽ പ്രദേശിനെ ‘സാങ്നാൺ’ എന്നാണ് ചൈന വിശേഷിപ്പിക്കുന്നത് എന്നുമുള്ള ചൈനീസ് വിദേശകാര്യ മന്ത്രാലയത്തിന്റെ പ്രതികരണത്തിന് പിന്നാലെയാണ് ഇന്ത്യയുടെ ഈ നിർണായക നിലപാട്. ഇത്തരം കെട്ടിച്ചമച്ച പേരുകൾ നൽകി യാഥാർത്ഥ്യങ്ങളെ മാറ്റാൻ കഴിയില്ലെന്നും ഇരുരാജ്യങ്ങളും തമ്മിലുള്ള ബന്ധം സാധാരണ നിലയിലാക്കാനുള്ള ശ്രമങ്ങളെ ഇത് ബാധിക്കുമെന്നും ഇന്ത്യ മുന്നറിയിപ്പ് നൽകി.

അരുണാചൽ പ്രദേശിൽ കടന്നുകയറ്റങ്ങൾക്കും ചൈന പലതവണ ശ്രമിച്ചിട്ടുണ്ട്. ടിബറ്റിന്റെ തെക്കുഭാഗത്തുള്ള പ്രദേശമാണെന്ന് അവകാശപ്പെട്ട് അരുണാചൽ പ്രദേശിനെ ‘സാങ്നാൺ’ എന്നാണ് ചൈന വിളിക്കുന്നത്. 1962ലെ ഇന്ത്യ-ചൈന യുദ്ധകാലത്ത് അരുണാചൽ പ്രദേശ് അതിർത്തിയിലൂടെ ചൈനീസ് സൈന്യം ഇന്ത്യൻ പ്രദേശത്തേക്ക് വലിയ തോതിൽ കടന്നുകയറിയിരുന്നു. ഇതിനുപുറമെ, ഇന്ത്യയുടെ പരമാധികാരത്തെ ചോദ്യം ചെയ്യുന്നതിന്റെ ഭാഗമായി അരുണാചൽ പ്രദേശിലെ വിവിധ നഗരങ്ങൾക്കും മലനിരകൾക്കും നദികൾക്കും ചൈനീസ് പേരുകൾ നൽകി ഔദ്യോഗികമായി പുറത്തുവിടുന്ന രീതി ചൈന തുടരുന്നുണ്ട്. 2017 മുതൽ പല തവണകളായി ഇത്തരത്തിലുള്ള പുതിയ പേരുകളുടെ പട്ടിക ചൈനീസ് സിവിൽ കാര്യ മന്ത്രാലയം പ്രസിദ്ധീകരിച്ചിട്ടുണ്ട്. യഥാർത്ഥ നിയന്ത്രണരേഖയ്ക്ക് സമീപമുള്ള പ്രദേശങ്ങളിൽ ചൈന റോഡുകളും പാലങ്ങളും ഗ്രാമങ്ങളും നിർമ്മിച്ച് സൈനിക സാന്നിധ്യം ശക്തമാക്കുന്നത് ഇന്ത്യയുടെ സുരക്ഷയ്ക്ക് വെല്ലുവിളിയാകുന്നുണ്ട്. എന്നാൽ ചൈനയുടെ ഇത്തരം അവകാശവാദങ്ങളെയും നീക്കങ്ങളെയും ഇന്ത്യ എക്കാലത്തും ശക്തമായി എതിർക്കുകയും പ്രതിരോധിക്കുകയും ചെയ്തിട്ടുണ്ട്. അരുണാചൽ പ്രദേശ് ഇന്ത്യയുടെ അവിഭാജ്യ ഘടകമാണെന്നും ചൈനയുടെ ഇത്തരം കെട്ടിച്ചമച്ച അവകാശവാദങ്ങൾ യാഥാർത്ഥ്യത്തെ മാറ്റില്ലെന്നുമാണ് ഇന്ത്യയുടെ ഉറച്ച നിലപാട്.