ദില്ലി : ഭാരതത്തിൽ അതിദരിദ്രരുടെ എണ്ണം കുത്തനെ കുറഞ്ഞതായി ലോകബാങ്കിന്റെ റിപ്പോര്ട്ട്. 2011-12 മുതല് 2022-23 വരെയുള്ള കാലയളവ് പരിഗണിക്കുമ്പോള് 27.1%-ത്തില് നിന്ന് 5.3% ആയി അതിദരിദ്രരുടെ എണ്ണം കുറഞ്ഞുവെന്നാണ് ലോകബാങ്ക് പറയുന്നത്. നഗര-ഗ്രാമീണ മേഖലകളിലെല്ലാം ദാരിദ്രത്തിന്റെ തോതില് വന് കുറവുണ്ടായി.
2011 ല് 34 കോടിയാളുകളാണ് അതിദരിദ്രരായി ഉണ്ടായിരുന്നത്. 2022-ല് 7.5 കോടിയാളുകളായി ഇത് കുറഞ്ഞിട്ടുണ്ട്. ഏകദേശം 27 കോടിയാളുകൾ പതിനൊന്ന് വര്ഷത്തിനിടയ്ക്ക് ദാരിദ്ര്യത്തില് നിന്ന് മുക്തരായി. ഗ്രാമീണമേഖലകളില് അതിദാരിദ്ര്യത്തിന്റെ തോത് 18.4%-ത്തില് നിന്ന് 2.8% -ത്തിലേക്കും നഗരമേഖലകളില് ഇത് 10.7%-ത്തില് നിന്ന് 1.1%-ത്തിലേക്കും കുറഞ്ഞു. ഉത്തര്പ്രദേശ്, മഹാരാഷ്ട്ര, ബിഹാര്, പശ്ചിമ ബംഗാള്, മധ്യപ്രദേശ് എന്നീ അഞ്ച് സംസ്ഥാനങ്ങളിലാണ് ആകെ അതിദരിദ്രരുടെ 65 ശതമാനവുമുണ്ടായിരുന്നത്. എന്നാല് ഈ സംസ്ഥാനങ്ങളില് വന് പുരോഗതിയാണ് ഇപ്പോൾ ഉണ്ടായിരിക്കുന്നത്.
