മൂന്നാം ദിവസത്തെ ചെറുത്തുനിൽപ്പിനൊടുവിൽ നാലാം ദിനം ഇന്ത്യയ്ക്ക് ഇം​ഗ്ല​ണ്ടിനോട് ദയനീയ തോൽവി

ലീ​ഡ്സ്: ഇന്ത്യയെ തുറിച്ചു നോക്കിയ ഇ​ന്നിം​ഗ്സ് തോ​ൽ​വി വൈ​കി​ക്കാ​ൻ പോ​ലും മെ​ന​ക്കെ​ട്ടി​ല്ല. ഇം​ഗ്ല​ണ്ടി​നെ​തി​രാ​യ മൂ​ന്നാം ടെ​സ്റ്റ് ക്രി​ക്ക​റ്റി​ൽ ഇ​ന്ത്യ​ക്ക് ദ​യ​നീ​യ തോ​ൽ​വി. ഇ​ന്നിം​ഗ്സി​നും 76 റ​ൺ​സി​നു​മാ​യി​രു​ന്നു പ​രാ​ജ​യം. ഇ​ന്ത്യ: ഒ​ന്നാം ഇ​ന്നിം​ഗ്സ് 78, ര​ണ്ടാം ഇ​ന്നിം​ഗ്സ് 278. ഇം​ഗ്ല​ണ്ട്: ഒ​ന്നാം ഇ​ന്നിം​ഗ്സ് 432. ഇ​തോ​ടെ അ​ഞ്ച് ടെ​സ്റ്റു​ക​ളു​ടെ പ​ര​മ്പ​ര​യി​ൽ ഇം​ഗ്ല​ണ്ട് (1-1) എ​ന്ന നി​ല​യി​ൽ ഒ​പ്പ​മെ​ത്തി.

മൂ​ന്നാം ദി​വ​സം ഗം​ഭീ​ര ചെ​റു​ത്തു​നി​ൽ​പ്പ് ന​ട​ത്തി​യ ഇ​ന്ത്യ​യാ​യി​രു​ന്നി​ല്ല ഇ​ന്ന് ക​ള​ത്തി​ൽ. നാ​ലാം ദി​വ​സ​ത്തി​ന്‍റെ ആ​ദ്യ സെ​ഷ​നി​ൽ ത​ന്നെ ഇ​ന്ത്യ​ൻ പോ​രാ​ളി​ക​ൾ ബാ​റ്റു​വ​ച്ച് കീ​ഴ​ട​ങ്ങി. ര​ണ്ടി​ന് 251 റ​ൺ​സ് എ​ന്ന നി​ല​യി​ൽ ബാ​റ്റിം​ഗ് പു​ന​രാ​രം​ഭി​ച്ച ഇ​ന്ത്യ​ക്ക് ഇ​ന്ന് 27 റ​ൺ​സ് കൂ​ടി മാ​ത്ര​മാ​ണ് കൂ​ട്ടി​ച്ചേ​ർ​ക്കാ​നാ​യ​ത്.

ത​ലേ​ദി​വ​സം വീരോചിതമായ പൊരുതി നിന്ന ഹീ​റോ ചേ​തേ​ശ്വ​ർ പൂ​ജാ​ര (91) അ​തേ സ്കോ​റി​ന് പു​റ​ത്താ​യ​തോ​ടെ ആ​സ​ന്ന​മാ​യ പ​രാ​ജ​യം ഇ​ന്നിം​ഗ്സ് തോ​ൽ​വി​യെ​ന്ന് ഏ​താ​ണ്ടു​റ​പ്പാ​യി​രു​ന്നു. പി​ന്നാ​ലെ ക്യാ​പ്റ്റ​ൻ കോ​ഹ്‌​ലി അ​ർ​ധ സെ​ഞ്ചു​റി തി​ക​ച്ച് പ്ര​തീ​ക്ഷ ന​ൽ​കി​യെ​ങ്കി​ലും റോ​ബി​ൻ​സ​ണി​ന്‍റെ പ​ന്തി​ൽ റൂ​ട്ട് പി​ടി​ച്ച് പു​റ​ത്താ​യി. പി​ന്നെ​യെ​ല്ലാം ച​ട​ങ്ങ് മാ​ത്ര​മാ​യി​രു​ന്നു. ര​ഹാ​നെ (10), പ​ന്ത് (1), ജ​ഡേ​ജ (30), ഷ​മി (6), ഇ​ഷാ​ന്ത് ശ​ർ​മ (2), സി​റാ​ജ് (0) എ​ന്നി​വ​ർ നി​ര​നി​ര​യാ​യി പ​വ​ലി​യ​ൻ പൂ​കി.

ഒ​ലി റോ​ബി​ൻ​സ​ൺ അ​ഞ്ച് വി​ക്ക​റ്റ് വീ​ഴ്ത്തി​യ​പ്പോ​ൾ ഗ്രെ​യ്ഗ് ഓ​വ​ർ​ട്ട​ൺ മൂ​ന്നും ആ​ൻ​ഡേ​ഴ്സ​ണും മൊ​യി​ൻ അ​ലി​യും എ​ന്നി​വ​ർ ഓ​രോ വി​ക്ക​റ്റും സ്വ​ന്ത​മാ​ക്കി.

പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona