ദില്ലി : ഹല്ഗാമില് വിനോദസഞ്ചാരികൾക്ക് നേരെ നടന്ന ഭീകരാക്രമണത്തിന്റെ പശ്ചാത്തലത്തില് പാകിസ്ഥാനുമായി സംഘർഷാവസ്ഥ നിലനിൽക്കുന്നതിനിടെ സംസ്ഥാനങ്ങളോട് മോക്ഡ്രില് നടത്താന് ആവശ്യപ്പെട്ട് കേന്ദ്ര ആഭ്യന്തര മന്ത്രാലയം. മെയ് ഏഴിന് മോക്ഡ്രില് നടത്താന് നിരവധി സംസ്ഥാനങ്ങള്ക്ക് നിര്ദേശം നല്കിയതായി ദേശീയ മാദ്ധ്യമങ്ങൾ റിപ്പോർട്ട് ചെയ്തു.
വ്യോമാക്രമണ മുന്നറിയിപ്പ് സൈറണുകളുടെ പ്രവര്ത്തനക്ഷമത സംബന്ധിച്ച് മോക്ഡ്രില് നടത്തണം. ആക്രമണമുണ്ടായാല് സ്വയം പരിരക്ഷിക്കുന്നതിനേക്കുറിച്ച് പൊതുജനങ്ങള്ക്കും വിദ്യാര്ത്ഥികള്ക്കും പരിശീലനം നല്കണമെന്നും നിർദ്ദേശിച്ചിട്ടുണ്ട്. അടിയന്തര ബ്ലാക്ക്ഔട്ട് സംവിധാനങ്ങള് ഒരുക്കല്, സുപ്രധാന പ്ലാന്റുകളും സ്ഥാപനങ്ങളും നേരത്തെ മറയ്ക്കുന്നതിനുള്ള സംവിധാനമൊരുക്കല്, ഒഴിപ്പിക്കല് പദ്ധതിയും അതിന്റെ പരിശീലനവും നടത്തുക എന്നീ നിര്ദേശങ്ങളാണ് നല്കിയിരിക്കുന്നത്.
