കേന്ദ്ര വ്യവസായ മന്ത്രി പിയൂഷ് ഗോയൽ
ദില്ലി : സ്വതന്ത്ര വ്യാപാര കരാറുകൾക്കായുള്ള ചർച്ചകൾ നല്ല രീതിയിൽ എല്ലാ അംഗരാജ്യങ്ങളുമായും നടക്കുന്നുണ്ടെന്ന് കേന്ദ്ര വ്യവസായ മന്ത്രി പിയൂഷ് ഗോയൽ പറഞ്ഞു. ഉഭയകക്ഷി വ്യാപാരവും നിക്ഷേപവും വർദ്ധിപ്പിക്കുന്നതിനായി 2022 മെയ് മാസത്തിൽ ഓസ്ട്രേലിയയുമായും 2022 ഡിസംബർ 29-ന് യുഎഇയുമായും ഇന്ത്യ അടുത്തിടെ ഒരു സ്വതന്ത്ര വ്യാപാര കരാറിൽ ഏർപ്പെട്ടു. 27-ാമത് വാർട്ടൺ ഇന്ത്യ ഇക്കണോമിക് ഫോറത്തെ അഭിസംബോധന ചെയ്തു സംസാരിക്കുകയായിരുന്നു പിയൂഷ് ഗോയൽ.
ഉഭയകക്ഷി വ്യാപാര കരാറുകൾക്കായി പല രാജ്യങ്ങളുമായി ഇന്ത്യ നടത്തുന്ന ചർച്ചകൾ നല്ല രീതിയിൽ മുന്നോട്ടു പോകുന്നുണ്ട്. രണ്ടോ അതിലധികമോ രാജ്യങ്ങൾ തമ്മിൽ വ്യാപാരം ചെയ്യുമ്പോൾ ഉൽപ്പന്നങ്ങളുടെ കസ്റ്റംസ് തീരുവ ഗണ്യമായി കുറയ്ക്കുകയോ ഒഴിവാക്കുകയോ ചെയ്യുന്നുണ്ട്.
എല്ലാ ഉൽപ്പന്നങ്ങളും കാര്യക്ഷമമായി നിർമ്മിക്കാൻ രാജ്യത്തിനു കഴിഞ്ഞെന്നു വരില്ല. അങ്ങനെയുള്ള ഉൽപ്പന്നങ്ങൾ ഇറക്കുമതി ചെയ്യുക അല്ലാതെ മറ്റു വഴികളില്ല . ടെക്സ്റ്റൈൽസ്, തുകൽ, പാദരക്ഷകൾ, ഔഷധ നിർമ്മാണം തുടങ്ങിയ മേഖലകളിൽ ഇന്ത്യ കാര്യക്ഷമമായി പ്രവർത്തിക്കുന്നുണ്ട് . ഇത് വ്യാപാര കരാറുകൾക്ക് ഗുണം ചെയ്യും. 2022-ൽ ഇന്ത്യയിൽ 74 ബില്യൺ സാമ്പത്തിക ഇടപാടുകൾ ഡിജിറ്റലായി നടന്നു എന്നാണു കണക്ക്.ഇത് യൂറോപ്പ്, യുഎസ്, ചൈന എന്നീ രാജ്യങ്ങൾ നടത്തിയതിനേക്കാൾ ഉയർന്നതാണ്. ഉയർന്ന നിലവാരമുള്ള, മികച്ച സാങ്കേതിക വിദ്യയും സേവനാധിഷ്ഠിതവുമായ സമ്പദ്വ്യവസ്ഥയായി മാറുക എന്നതാണ് ഇന്ത്യ ലക്ഷ്യം വയ്ക്കുന്നത് എന്നും പിയൂഷ് ഗോയൽ വ്യക്തമാക്കി.
ബി.എൽ.എം നിക്ഷേപ ക്രമക്കേട് കേസിൽ അന്വേഷണം കൂടുതൽ ശക്തമാക്കി എൻഫോഴ്സ്മെന്റ് ഡയറക്ടറേറ്റ്. സ്ഥാപനത്തിന്റെ സ്ഥാപക ചെയർമാൻ ആർ. പ്രേംകുമാറിനും കുടുംബാംഗങ്ങൾക്കും…
ഇറാന്റെ സൈനികശേഷി പൂർണമായും തകർത്തുവെന്ന അമേരിക്കൻ പ്രസിഡന്റ് ഡൊണാൾഡ് ട്രംപിന്റെ അവകാശവാദങ്ങൾക്കിടെ പുതിയ വെളിപ്പെടുത്തലുമായി യുഎസ് ഇന്റലിജൻസ് റിപ്പോർട്ട്. അമേരിക്കയുടെയും…
ബോസ്റ്റൽ സ്കൂളിൽ നിന്ന് പുറത്തിറങ്ങിയ സൂഹൈലിന്റെ ദൃശ്യങ്ങൾ പകർത്താൻ ശ്രമിച്ച മാധ്യമപ്രവർത്തകർക്ക് നേരെ ബന്ധുക്കളുടെയും സുഹൃത്തുക്കളുടെയും പരാക്രമം. ക്യാമറയ്ക്ക് മുന്നിൽ…
കേരളത്തിലെ വൈദ്യുതി വാങ്ങൽ ഇടപാടുമായി ബന്ധപ്പെട്ട വിവാദം പുതിയ തലത്തിലേക്ക്. മുൻ കെ.എസ്.ഇ.ബി ചെയർമാനും ഊർജവകുപ്പ് സെക്രട്ടറിയുമായിരുന്ന ജി. രാജമാണിക്യത്തിന്റെ…
ജമ്മു കശ്മീരിലെ കുൽഗാമിൽ സിആർപിഎഫ് ക്യാമ്പിന് നേരെയുണ്ടായ ഭീകരാക്രമണവുമായി ബന്ധമുള്ള രണ്ട് ലഷ്കർ-ഇ-ത്വയ്ബ ഭീകരരെ സുരക്ഷാസേന ഏറ്റുമുട്ടലിൽ വധിച്ചു. നവംബർ…
തമിഴ്നാട്ടിൽ ജെം ഗ്രാനൈറ്റ്സ് ഉടമ ആർ. വീരമണിക്കെതിരായ പോക്സോ കേസുകളുടെ അന്വേഷണത്തിൽ നിർണായക വഴിത്തിരിവ്. കേസിൽ വീഴ്ച വരുത്തിയെന്ന ആരോപണത്തെ…