ഇന്ത്യയിലെ നാളെ മുംബൈയിൽ തുറക്കുന്ന ആദ്യ ആപ്പിൾ സ്റ്റോർ
ഇന്ത്യയിലെ ആദ്യത്തെ ഔദ്യോഗിക ആപ്പിള്‍ സ്റ്റോര്‍ നാളെ മുംബൈ നഗരത്തിൽ പ്രവര്‍ത്തനമാരംഭിക്കും. ഇതിന് ശേഷം ഏപ്രില്‍ 20-ന് ദില്ലിയിൽ രണ്ടാമത്തെ ഔദ്യോഗിക ആപ്പിള്‍ സ്‌റ്റോറും തുറക്കും. ഇന്ത്യയിലെ ഉപയോക്താക്കളുടെ എണ്ണം കുത്തനെ ഉയർന്നതും ഇന്ത്യ കമ്പനിയുടെ പ്രധാനമാര്‍ക്കറ്റായി മാറുമെന്നുള്ള ദീര്‍ഘവീക്ഷണവുമാണ് കമ്പനി ഇന്ത്യയിലെത്തി 25 വർഷങ്ങൾക്കിപ്പുറമുള്ള തീരുമാനത്തിന് പിന്നിലുള്ളത്.
മുംബൈയിലെ ബികെസി ആപ്പിള്‍ സ്റ്റോര്‍ വ്യത്യസ്തവും ആകര്‍ഷകവുമായ ഗ്ലാസ് ‘ഔട്ട് ലുക്ക്‌’ ആണ് നല്‍കിയിരിക്കുന്നത്. സ്റ്റോറിന്റെ പുറംചുമരുകള്‍ എല്ലാം ഗ്ലാസ് കൊണ്ടാണ് നിര്‍മിച്ചിരിക്കുന്നത്. ഉയരമുള്ള സീലിങ്ങും തൂണുകളുമുള്ള വിശാലമായ സ്റ്റോറിനുള്ളില്‍ സമാന്തരമായി ഡെസ്‌ക്കുകള്‍ ക്രമീകരിച്ചിട്ടുണ്ട് . ഐ ഫോണ്‍ ആക്‌സസറികള്‍, മാക് ലാപ്‌ടോപുകള്‍, ഡെസ്‌ക്ടോപുകള്‍, മറ്റ് ആപ്പിള്‍ ഉത്പന്നങ്ങള്‍ എന്നിവയ്ക്കായി മുകള്‍നിലയില്‍ പ്രത്യേക സൗകര്യം ഒരുക്കിയിട്ടുണ്ട്. ഹോം പാഡിനും ആപ്പിള്‍ ടിവി പ്ലസിനുമായി പ്രത്യേക വിഭാഗമുണ്ട്.
ലോകത്തിലെ ഏറ്റവും കുറവ് ഊര്‍ജഉപഭോഗം സാധ്യമാകുന്ന ആപ്പിള്‍ സ്റ്റോറാണ് ബികെസി എന്നാണ് റിപ്പോര്‍ട്ട്. കാര്‍ബണ്‍ ബഹിര്‍ഗമനം തീരെയില്ലാത്ത, നൂറ് ശതമാനം ഊര്‍ജപുനരുപയോഗവും ബികെസിയില്‍ സാധ്യമാകും.
മുംബൈയിലെ തിരക്കേറിയ ബാന്ദ്ര കുര്‍ള കോംപ്ലക്‌സിലാണ് ആപ്പിള്‍ സ്റ്റോര്‍ പ്രവര്‍ത്തനമാരംഭിക്കുന്നത്. സ്റ്റോറില്‍ 100 ജീവനക്കാർ ജോലിചെയ്യും. ഇരുപത് ഭാഷകളില്‍ ഈ സ്റ്റോറിലുള്ള ജീവനക്കാരുമായി ആശയവിനിമയം നടത്താനാകും.
തിരുവനന്തപുരം : യൂത്ത് കോണ്‍ഗ്രസിന്റെ നൈറ്റ് മാര്‍ച്ചിനിടെ തിരുവനന്തപുരത്ത് സംഘര്‍ഷം. മാര്‍ച്ചിന് നേരെ യൂണിവേഴ്‌സിറ്റി മെന്‍സ് ഹോസ്റ്റലില്‍ നിന്ന് കല്ലും…
അനധികൃത സ്വത്ത് സമ്പാദന കേസില്‍ നാല് വര്‍ഷം കഠിന തടവിന് ശിക്ഷിക്കപ്പെട്ട് പൂജപ്പുര സെന്‍ട്രല്‍ ജയിലിലായ മുന്‍ ഡിജിപി ടോമിന്‍…
തിരുവനന്തപുരം : ബിജെപി ദേശീയ നിര്‍വാഹകസമിതി അംഗം പി.കെ. കൃഷ്ണദാസിനെതിരെ നെയ്യാറ്റിന്‍കരയില്‍ കോണ്‍ഗ്രസ്‌യൂത്ത് കോണ്‍ഗ്രസ് പ്രവര്‍ത്തകര്‍ നടത്തിയ ആക്രമണം അംഗീകരിക്കാനാകില്ലെന്ന്…
മുംബൈ : ദുബായില്‍നിന്ന് ഇസ്രയേലിലെ ടെല്‍ അവീവിലേക്ക് പറന്ന ഫ്‌ലൈ ദുബായ് വിമാനത്തില്‍ കോക്പിറ്റിനുള്ളില്‍ ഉണ്ടായ അടിയന്തര സാഹചര്യത്തില്‍, വന്‍…
തിരുവനന്തപുരം : ശബരിമലയിലേക്ക് അരവണ നിര്‍മ്മാണത്തിനായി മില്‍മയില്‍ നിന്നും കൂടിയ വിലയ്ക്ക് നെയ്യ് വാങ്ങിയതുമായി ബന്ധപ്പെട്ട വന്‍ സാമ്പത്തിക ക്രമക്കേടില്‍…
കോട്ടയം : വാഹനാപകടത്തില്‍ ദാരുണമായി അന്ത്യം സംഭവിച്ച പ്രശസ്ത സിനിമാ - ടെലിവിഷന്‍ നടന്‍ കൊല്ലം സുധിയുടെ കുടുംബത്തിന് 1.77…