പാക്കിസ്ഥാൻ പതാകയ്ക്ക് മുകളിൽ പറന്നുയർന്ന് ഭാരതത്തിന്റെ ത്രിവർണ്ണ പതാക !

പാക്കിസ്ഥാൻ പതാകയ്ക്ക് മേലെ പറന്നുയർന്ന് ഭാരതത്തിന്റെ ത്രിവർണ്ണ പതാക. അട്ടാരി വാഗാ അതിർത്തിയിലാണ് 418 അടി ഉയരത്തിലുള്ള പതാക ഉയർന്നു പൊങ്ങിയത്. അമൃതസറിൽ വച്ച് നടന്ന ചടങ്ങിൽ ഗതാഗതമന്ത്രി നിധിൻ ഗഡ്കരിയും, പഞ്ചാബ് മുഖ്യമന്ത്രിയും ചേർന്ന് ഏറ്റവും ഉയരത്തിലുള്ള ദേശീയ പതാക അനാവരണം ചെയ്തു. പാകിസ്ഥാൻ പതാകയേക്കാൾ 18 അടി ഉയരത്തിലാണ് പുതിയതായി വന്ന ത്രിവർണ്ണ പതാക .നാഷണൽ ഹൈവേ അതോറിറ്റി ഓഫ് ഇന്ത്യ ദേശീയ പതാക സ്ഥാപിക്കുന്നതിനായി 3.5 കോടി രൂപയാണ് നിക്ഷേപിച്ചത്. അട്ടാരി വാഗാ അതിർത്തിയിൽ സ്ഥാപിച്ചിരിക്കുന്ന പതാക കർണ്ണാടകയിലെ ബെൽഗാവിയിൽ സ്ഥാപിച്ചിരിക്കുന്ന പതാകയേക്കാൾ 57 അടി ഉയരത്തിലാണ് സ്ഥാപിച്ചിരിക്കുന്നത്. ഇതോടെ രാജ്യത്തെ ഏറ്റവും ഉയരം കൂടിയ ദേശീയ പതാകയായി മാറി .

ഇതിന്റെ സന്തോഷത്തിൽ ഗതാഗതമന്ത്രി നിധിൻ ഘട്ട്കരി ഇങ്ങനെ അഭിപ്രായപ്പെട്ടു.

ഇന്ന് എന്റെ ജീവിതത്തിലെ ഒരു സുദിനമാണ്. ഞാൻ ആദ്യമായി അട്ടാരി വാഗാ അതിർത്തിയിൽ എത്തിയിരിക്കുന്നു. ഇവിടെ ഏറ്റവും ഉയരം കൂടിയ ത്രിവർണ്ണ പതാക സ്ഥാപിക്കാൻ സാധിച്ചു.തുരങ്കങ്ങൾ , പാലങ്ങൾ എന്നിവ ഞാൻ ഉത്‌ഘാടനം ചെയ്തിട്ടുണ്ട്. ഇത് ഓരോ ഭാരതീയനും അഭിമാനിക്കാനുള്ള നിമിഷമായി ഞാൻ കാണുന്നു. എനിയ്ക്കു ഒരുപാട് സന്തോഷമുണ്ട് .രാജ്യം കാക്കുന്ന പട്ടാളക്കാരനും പ്രധാന മന്ത്രി നരേന്ദ്ര മോദിക്കും എന്റെ അഭിനന്ദനങ്ങൾ.