‘നഷ്ടമായത് യഥാർത്ഥ സൈനികനെ’;സംയുക്ത സേനാ മേധാവി ജനറൽ ബിപിൻ റാവത്തിന്റെ അപ്രതീക്ഷിത വിയോഗത്തിൽ ദുഃഖം രേഖപ്പെടുത്തി ലോകരാജ്യങ്ങൾ

ന്യൂയോർക്ക്:ഭാരതത്തിന്റെ സംയുക്ത സൈനിക മേധാവി ബിപിൻ റാവത്തിന്റെ(Bipin Rawat) അപ്രതീക്ഷിത വിയോഗത്തിൽ അനുശോചനം രേഖപ്പെടുത്തി ലോകരാജ്യങ്ങൾ.അമേരിക്ക, ബ്രിട്ടൺ, ഫ്രാൻസ്, ഓസ്‌ട്രേലിയ തുടങ്ങിയ രാജ്യങ്ങൾ അനുശോചനം അറിയിച്ചു. ബിപിൻ റാവത്തിന്റെ വിയോഗം

‘ഇന്ത്യൻ പ്രതിരോധ സേനയ്‌ക്ക് തീരാനഷ്ടമാണെന്നാണും യഥാർത്ഥ സൈനികനെയാണ് നഷ്ടമായതെന്നുമാണ് ലോകരാജ്യങ്ങൾ ഒറ്റസ്വരത്തിൽ പറയുന്നത്.

‘ബിപിൻ റാവത്തിന്റെ വേർപാടിന്റെ ദുഃഖത്തിൽ പങ്കുചേരുന്നുവെന്ന് യുഎസ് പ്രതിരോധ സെക്രട്ടറി ലോയിഡ് ജെ ഓസ്റ്റിൻ പ്രതികരിച്ചു.

‘യുഎസ്-ഇന്ത്യ പ്രതിരോധ പങ്കാളിത്തത്തിൽ സുപ്രധാന പങ്ക് വഹിച്ച’യാളാണ് റാവത്ത് എന്ന് ഓസ്റ്റിൻ പറഞ്ഞു.

യുഎസ് സ്റ്റേറ്റ് സെക്രട്ടറി ആന്റണി ബ്ലിങ്കനും മരണത്തിൽ ദുഃഖം രേഖപ്പെടുത്തി. ബിപിൻ റാവത്തിന്റെ വിയോഗം ‘തീരാ നഷ്ട’മാണെന്ന് അദ്ദേഹം പറഞ്ഞു.

‘ഇരുരാജ്യങ്ങളും തമ്മിലുള്ള ഉഭയകക്ഷി ബന്ധത്തിന് വലിയ പങ്കുവഹിച്ച’യാളാണെന്നും, അടുത്ത സുഹൃത്തിനെയാണ് നഷ്ടമായതെന്നും ഇന്ത്യയുടെ ദുഃഖത്തിൽ പങ്കുചേരുന്നുവെന്നും ഇന്ത്യയിലെ റഷ്യൻ അംബാസിഡർ നികോലെ കുദഷെവ് പറഞ്ഞത്

‘ബിപിൻ റാവത്ത് ഉൾപ്പെടെയുള്ളവരുടെ മരണം തീരാ നഷ്ട’മെന്നാണാണ് ഇസ്രായേൽ പ്രതിരോധ മന്ത്രി ബെന്നി ഗന്റ്‌സ് പറഞ്ഞത്.

‘ദാരുണമായ വാർത്ത കേട്ടതിൽ അതീവ ദുഃഖമുണ്ടെന്ന്’ മാലിദ്വീപ് പ്രസിഡന്റ് ഇബ്രഹിം മുഹമ്മദ് സ്വാലിഹ് പറഞ്ഞു. 2019ൽ ബിപിൻ റാവത്തുമായി വേദി പങ്കിടാൻ തനിക്ക് അവസരം ലഭിച്ചിരുന്നു. യഥാർത്ഥ സൈനികനെയാണ് രാജ്യത്തിന് നഷ്ടമായതെന്നും അദ്ദേഹം പറഞ്ഞു.

ശ്രീലങ്കൻ പ്രധാനമന്ത്രി മഹിന്ദ രജപക്‌സെ, നേപ്പാൾ പ്രധാനമന്ത്രി ഷേർ ബഹാദുർ ദുബ, ഭൂട്ടാൻ പ്രധാനമന്ത്രി ലോട്ടെ ഷെറിംഗ്, ഓസ്‌ട്രേലിയൻ ഹൈക്കമ്മീഷൻ ബാറി ഒ ഫാരൽ ഇന്ത്യയിലെ ഫ്രഞ്ച് അംബാസഡർ ഇമ്മാനുവൽ ലെനൈൻ തുടങ്ങിയവരും അനുശോചനം രേഖപ്പെടുത്തി.

അതേസമയം ബിപിൻ റാവത്തിനോടുള്ള ആദരസൂചകമായി ഇന്ന് ദേശീയ ദുഖാ:ചരണം പ്രഖ്യാപിച്ചിട്ടുണ്ട്. ആശുപത്രിയിലെ നടപടിക്രമങ്ങൾ പൂർത്തിയാക്കിയ ശേഷം ബിപിൻ റാവത്ത് ഉൾപ്പെടെയുള്ളവരുടെ മൃതദേഹങ്ങൾ ഇന്ന് ദില്ലിയിലെത്തിക്കും.

സൈനിക വിമാനത്തിലാണ് മൃതദേഹങ്ങൾ ദില്ലിയിലെത്തിക്കുക. ശവസംസ്‌കാര ചടങ്ങുകള്‍ ഔദ്യോഗിക ബഹുമതികളോടെ വെള്ളിയാഴ്ച നടക്കും. ദില്ലി കന്റോണ്‍മെന്റിലാണ് അന്തിമ സംസ്‌കാരചടങ്ങുകള്‍.

കഴിഞ്ഞ ദിവസം ഉച്ചയ്ക്ക് 12.20-ഓടെയാണ് സംയുക്ത സേനാ മേധാവി ബിപിന്‍ റാവത്തും സംഘവും സഞ്ചരിച്ച ഹെലികോപ്റ്റര്‍ നീലഗിരി കൂനൂരിനടുത്ത് അപകടത്തില്‍പ്പെട്ടത്.

സൂലൂരില്‍നിന്ന് ഊട്ടി വെല്ലിങ്ടണിലെ സൈനിക ക്യാമ്പിലേക്ക് പുറപ്പെട്ടതായിരുന്നു സംഘം. എന്നാല്‍ കൂനൂരിനടുത്ത കാട്ടേരിയില്‍ ഹെലികോപ്റ്റര്‍ തകര്‍ന്നുവീഴുകയായിരുന്നു.

ബിപിൻ റാവത്തും ഭാര്യയും അടക്കം 13 പേരാണ് ഹെലിക്കോപ്റ്റർ അപകടത്തിൽ മരിച്ചത്. സുലൂരിലെ വ്യോമതാവളത്തിൽ നിന്നും വെല്ലിംഗ്ടണ്ണിലുള്ള ഡിഫൻസ് സർവ്വീസ് കോളേജിലേക്കുള്ള യാത്രക്കിടെയാണ് അപകടം.

നീലഗിരിയിലെ കുനൂർ കട്ടേരിക്ക് സമീപമാണ് അപകടമുണ്ടായത്. വ്യോമസേനയുടെ MI ശ്രേണിയിലുള്ള 17v5 ഹെലികോപ്ടറാണ് അപകടത്തിൽപ്പെട്ടത്.

ഭാര്യ മധുലിക റാവത്ത്, ബ്രിഗേഡിയർ എൽഎസ് ലിഡർ, ലെഫ്. കേണൽ ഹർജീന്ദർ സിംഗ്, നായ്ക് ഗുർസേവക് സിംഗ്, നായ്ക് ജിതേന്ദ്ര കുമാർ, ലാൻഡ്സ് നായ്ക് വിവേക് കുമാർ, ലാൻഡ്സ് നായ്ക് ബി. സായി തേജ, ഹവിൽദാർ സത്പാൽ എന്നിവരാണ് ഹെലികോപ്ടറിലുണ്ടായിരുന്നത്. അപകടത്തിൽപ്പെട്ടവരിൽ ഗ്രൂപ്പ് ക്യാപ്റ്റൻ വരുൺ സിങ് മാത്രമാണ് അപകടത്തിൽ നിന്ന് രക്ഷപെട്ടത്.