മുംബൈ: സിറിയയിൽ ഐഎസ് ഭീകരർക്ക് വേണ്ടി പ്രവർത്തനം നടത്തി കുറ്റക്കാരനാണെന്ന് കണ്ടെത്തിയ പ്രതിക്ക് ശിക്ഷ വിധിച്ച് മുംബൈയിലെ പ്രത്യേക എൻഐഎ കോടതി. മഹാരാഷ്ട്രയിലെ പർഭാനി കേസിലാണ് യുവാവ് കുറ്റക്കാരനാണെന്ന് തെളിഞ്ഞത്. മെയ് 26 വ്യാഴാഴ്ചയായിരുന്നു കേസിലെ നിർണായക വിധി പ്രഖ്യാപിച്ചത്. മുഹമ്മദ് ഷാഹിദ് ഖാനെയാണ് കുറ്റക്കാരനെന്ന് കണ്ടെത്തിയത്. ഇയാൾ സിറിയയിൽ നിന്നുള്ള ഐഎസ് ഭീകരരുടെ നിർദ്ദേശപ്രകാരം ഇന്ത്യയിലിരുന്ന് ഐഇഡി നിർമിച്ചിരുന്നു.
സിറിയയിലെ ഐഎസ് പ്രവർത്തകർ ഇൻറർനെറ്റ് വഴി ഇന്ത്യൻ യുവാക്കളെ ഭീകരതയിലേക്ക് കൊണ്ടുവരാൻ ഗൂഢാലോചന നടത്തിയെന്ന കേസിലാണ് വിധി. പ്രതിയായ മുഹമ്മദ് ഷാഹിദ് ഖാന് കോടതി ഏഴ് വർഷം കഠിനതടവും 45,000 രൂപ പിഴയുമാണ് ശിക്ഷ വിധിച്ചത്.
ദേശീയ അന്വേഷണ ഏജൻസി പുറത്തുവിടുന്ന കണക്കുകൾ പ്രകാരം 2016 ജൂലൈ 14-നായിരുന്നു മുംബൈയിലെ തീവ്രവാദ വിരുദ്ധ സ്ക്വാഡ് പോലീസ് സ്റ്റേഷനിൽ കേസ് രജിസ്റ്റർ ചെയ്തത്. സെപ്റ്റംബർ 14ന് കേസ് എൻഐഎ ഏറ്റെടുത്തു. ഒക്ടോബർ 7-ന് അന്വേഷണം പൂർത്തിയാക്കി കുറ്റപത്രം സമർപ്പിക്കുകയും ചെയ്തിരുന്നു.
കൊച്ചി: എറണാകുളത്ത് ഹോസ്റ്റലിലെ ശുചിമുറിയിൽ യുവതി ആൺകുഞ്ഞിന് ജന്മം നൽകി. യുവതിയ്ക്കൊപ്പം ഹോസ്റ്റല് മുറിയിലുണ്ടായിരുന്നവരാണ് പോലീസിനെ അറിയിച്ചത്. തുടര്ന്ന് സ്ഥലത്തെത്തിയ…
പത്തനംതിട്ട: ബൈക്കപകടത്തിൽ പരിക്കേറ്റ സുഹൃത്തിനെ വഴിയിൽ ഉപേക്ഷിച്ച് കടന്നുകളയാൻ ശ്രമിച്ച സഹയാത്രികൻ പിടിയിൽ. പത്തനംതിട്ട കാരംവേലിയിലാണ് അപകടമുണ്ടായത്. പരിക്കേറ്റ 17കാരനെ…
ദില്ലി: എന് എന് സി ലാവ്ലിന് കേസ് അന്തിമവാദത്തിനായി ബുധനാഴ്ചത്തേക്ക് ലിസ്റ്റ് ചെയ്ത് സുപ്രീംകോടതി. ജസ്റ്റീസുമാരായ സൂര്യകാന്ത്, കെ വി…
ആലപ്പുഴ: അപ്രഖ്യാപിത വൈദ്യുതി മുടക്കത്തെ തുടർന്ന് അർദ്ധരാത്രിയിൽ കെഎസ്ഇബി ഓഫീസ് ഉപരോധിച്ച് മത്സ്യത്തൊഴിലാളികൾ. പുന്നപ്ര തെക്ക് പഞ്ചായത്ത് ഒന്നാം വാർഡിലെ…