പോർബന്ദർ: അന്താരാഷ്ട്ര ഭീകരസംഘടനയായ ഇസ്ലാമിക് സ്റ്റേറ്റ് ഓഫ് ഖൊറാസൻ പ്രൊവിൻസിൽ ചേർന്ന് ഇന്ത്യവിടാൻ ശ്രമിച്ച അഞ്ചംഗ സംഘത്തെ പിടികൂടി ഗുജറാത്ത് പോലീസിന്റെ ഭീകര വിരുദ്ധ സ്ക്വാഡ്. സംഘത്തിൽ ഒരാൾ കൂടിയുണ്ടെന്നും അറസ്റ്റ് ഉടനുണ്ടാകുമെന്നും ഗുജറാത്ത് പോലീസ് അറിയിച്ചു. ബിപോർജോയ് ചുഴലിക്കാറ്റുമായി ബന്ധപ്പെട്ട് സംസ്ഥാനത്ത് അതീവ ജാഗ്രത പ്രഖ്യാപിച്ചിരിക്കുന്ന ഗുജറാത്ത് തീരത്ത് പോലീസ് ആറാമനായി ശക്തമായ തിരച്ചിൽ തുടരുകയാണ്. കടൽമാർഗം ഇന്ത്യ വിട്ടശേഷം അഫ്ഗാനിസ്ഥാനിലും ഇറാനിലും ഭീകരാക്രമണങ്ങൾ നടത്താൻ പദ്ധതിയിട്ട സംഘമാണ് ഇപ്പോൾ ഗുജറാത്ത് പോലീസിന്റെ കസ്റ്റഡിയിലുള്ളത്. ഇതിൽ ഒരു സ്ത്രീയും ഉൾപ്പെടുന്നു. ഇവർക്ക് ഇതിനുള്ള ബോട്ട് അടക്കമുള്ള സംവിധാനങ്ങൾ ഒരുക്കിക്കൊടുക്കാൻ ചുമതലപ്പെട്ട സുബൈർ മുൻഷിയെന്നയാളാണ് ആദ്യം എ ടി എസിന്റെ പിടിയിലായത്. ഇയാൾ നൽകിയ വിവരങ്ങളുടെ അടിസ്ഥാനത്തിൽ അഞ്ചംഗ സംഘം പിടിയിലാകുകയായിരുന്നു.
ഉബൈദ് മിർ, ഹനാൻ ഹയാത്ത് ഷാൾ, മുഹമ്മദ് ഹാസിം ഷാ എന്നീ മൂന്ന് യുവാക്കൾക്കായി ഒരു ബോട്ട് ക്രമീകരിക്കുകയായിരുന്നു സുബൈറിന്റെ ചുമതല. ഓൺലൈൻ ഷോപ്പിംഗ് പ്ലാറ്റ്ഫോമായ മിന്ത്രയുടെ കൊറിയറാണ് സുബർ. അബു ഹംസ എന്നറിയപ്പെടുന്ന ഒരു പാകിസ്ഥാൻ ഹാൻഡ്ലറുമായി നേരിട്ട് ആശയവിനിമയം നടത്തിയിരുന്നു. ഇയാൾ നൽകിയ വിവരമനുസരിച്ച് മൂന്ന് ദിവസം മുമ്പാണ് ഗുജറാത്ത് എടിഎസ് കശ്മീരിൽ നിന്ന് മൂന്ന് യുവാക്കളെയും സൂറത്തിലെ സയ്യിദ്പുര പ്രദേശത്ത് നിന്ന് സുമേരാബാനു എന്ന സ്ത്രീയെയും അറസ്റ്റ് ചെയ്തത്. ഐ എസ് കെ പി ക്കുവേണ്ടി ഭീകര പ്രവർത്തനം നടത്താൻ കടൽമാർഗം ഇന്ത്യ വിടാനുള്ള സംഘത്തിന്റെ പദ്ധതി ഇതോടെ പൊളിയുകയായിരുന്നു.
ഗുണ്ടകൾക്കെതിരേ മൂന്നുദിവസമായി സംസ്ഥാന വ്യാപകമായി നടക്കുന്ന പരിശോധനയിൽ അറസ്റ്റിലായത് 5,000 പേർ. ഗുണ്ടകൾക്കെതിരായ ഓപ്പറേഷൻ ആഗ്, ലഹരിമാഫിയകൾക്കെതിരേയുള്ള പരിശോധനയായ ഡി-ഹണ്ട്…
അന്തരിച്ച ബിലീവേഴ്സ് ഈസ്റ്റേൺ ചർച്ച് മെത്രാപ്പൊലീത്ത കെ പി യോഹന്നാന്റെ മൃതദേഹം കൊച്ചിയിൽ എത്തിച്ചു. പുലർച്ചെ മൂന്നരയോടെ നെടുമ്പാശ്ശേരി വിമാനത്താവളത്തിൽ…
ഇന്നലെ വൈകുന്നേരവും രാത്രിയും പെയ്ത കനത്ത മഴയിൽ ജില്ലയിലെ പല പ്രദേശങ്ങളിലും വെള്ളം കയറി.തമ്പാനൂർ ജംഗ്ഷനിൽ അടക്കം വെള്ളക്കെട്ടുമൂലം ജനം…
മഹാത്ഭുതങ്ങൾ ഒളിപ്പിച്ച് വച്ചിരിക്കുന്ന ഒരുഗ്രഹം !
സിംഗപ്പൂർ: ഒരു ഇടവേളയ്ക്ക് ശേഷം സിംഗപ്പൂരില് വീണ്ടും കോവിഡ് വ്യാപനം രൂക്ഷമാകുന്നു. കഴിഞ്ഞ രണ്ടാഴ്ചക്കിടയിൽ 25,900 പേർക്കാണ് രോഗബാധ ഉണ്ടായത്.…
ദില്ലി: രാജ്യസഭാ എംപി സ്വാതി മാലിവാളിനെ ആക്രമിച്ച കേസിൽ ദില്ലി മുഖ്യമന്ത്രി കെജ്രിവാളിന്റെ പിഎ ബൈഭവ് കുമാറിനെ അഞ്ച് ദിവസത്തേക്ക്…