ചാന്ദ്രദൗത്യത്തിനു വീണ്ടും തുടക്കം കുറിച്ച് ഐ.എസ്.ആർ.ഒ; ചന്ദ്രയാൻ 3 വിക്ഷേപണം 2022 ൽ

ദില്ലി: ചന്ദ്രയാൻ 3 വിക്ഷേപിക്കാൻ ലക്ഷ്യമിട്ട് ഐഎസ്ആർഒ. അടുത്ത വർഷം പകുതിയോടെയാണ് വിക്ഷേപിക്കാൻ ലക്ഷ്യമിടുന്നത്. കോവിഡ് 19 പശ്ചാത്തലത്തിലാണ് ചന്ദ്രയാൻ 3 ദൗത്യം വൈകിയത്. ഇപ്പോൾ ചന്ദ്രയാൻ 3 ദൗത്യത്തിന് വേണ്ടിയുളള നടപടികൾ പുരോഗമിക്കുകയാണെന്ന് പുതിയ സമയക്രമം പുറത്തുവിട്ടുകൊണ്ട് ശാസ്ത്ര-സാങ്കേതിക മന്ത്രി ഡോ. ജിതേന്ദ്ര സിങ് വ്യക്തമാക്കി

ചന്ദ്രയാൻ 3 ഈ വർഷം വിക്ഷേപിക്കാനായിരുന്നു മുൻപ് പദ്ധതിയിട്ടിരുന്നത്. അപ്രതീക്ഷിതമായി ലോകം നേരിട്ട കോവിഡ് 19 വ്യാപനവും ലോക്ക്ഡൗണുമാണ് ചന്ദ്രയാൻ 3 വൈകിയതിന് കാരണം. ലോക്ക്ഡൗൺ കാലയളവിൽ വർക്ക് ഫ്രം ഹോമിലിരുന്ന് ചെയ്യാൻ സാധ്യമായതെല്ലാം ചെയ്തിരുന്നതായി ബഹിരാകാശ വകുപ്പ് പുറത്തിറക്കിയ പ്രസ്താവനയിൽ വ്യക്തമാക്കുന്നു.

”ദൗത്യവുമായി ബന്ധപ്പെട്ട പ്രവർത്തനങ്ങളിൽ മുഴുകിയിരിക്കുകയാണ്. ചന്ദ്രയാൻ 2-നോട് സമാനമായ രൂപരേഖയായിരിക്കും ചന്ദ്രയാന്‍ 3-നും. എന്നാൽ, ഇതിന് പുതിയ ഓർബിറ്റർ ഉണ്ടായിരിക്കില്ല. ചന്ദ്രയാൻ 2-ന്റെ സമയത്ത് വിക്ഷേപണം നടത്തിയ ഓർബിറ്റർ തന്നെ ചന്ദ്രയാൻ 3- ന് ഉപയോഗിക്കും. 2022-ഓടെ ചന്ദ്രയാൻ 3 ലോഞ്ച് ചെയ്യാനാകുമെന്നാണ് പ്രതീക്ഷിക്കുന്നത്”. ഐ.എസ്.ആർ.ഒ. മേധാവി കെ.ശിവൻ മുൻപ് പറഞ്ഞിരുന്നു.എന്തായാലും ചാന്ദ്രദൗത്യം ഉൾപ്പടെ ഐ.എസ്.ആർ.ഒയുടെ നിരവധി പദ്ധതികളെയാണ് കോവിഡ് 19-നെ തുടർന്നുണ്ടായ ലോക്ക്ഡൗൺ ബാധിച്ചത്.

പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona