കോൺഗ്രസിനും വികസനത്തിനും ഒന്നിച്ച് നിൽക്കുകയെന്നത് അസാദ്ധ്യം ; കോൺഗ്രസ് ഉള്ളയിടത്ത് വികസനം ഉണ്ടാവുകയില്ലെന്ന് പ്രധാനമന്ത്രി നരേന്ദ്രമോദി

റായ്പൂർ: കോൺഗ്രസ് പാർട്ടിയ്ക്കും വികസനത്തിനും ഒന്നിച്ച് ഒരു നിലനിൽപ്പ് സാദ്ധ്യമല്ലെന്ന് പ്രധാനമന്ത്രി നരേന്ദ്ര മോദി. ഛത്തീസ്ഗഡിലെ കൻകറിൽ സംഘടിപ്പിച്ച തെരഞ്ഞെടുപ്പ് റാലിയിൽ സംസാരിക്കുകയായിരുന്നു നരേന്ദ്ര മോദി. സംസ്ഥാനത്ത് ബിജെപി അധികാരത്തിലേറിയാൽ പാവങ്ങൾക്ക് സൗജന്യമായി വീടുകൾ നിർമ്മിച്ച് നൽകുമെന്നും പ്രധാനമന്ത്രി വ്യക്തമാക്കി.

കോൺഗ്രസിനും വികസനത്തിനും ഒന്നിച്ച് നിലനിന്ന് പോകുകയെന്നത് അസാദ്ധ്യമാണ്. അതുകൊണ്ട് തന്നെ കോൺഗ്രസ് ഉള്ളയിടത്ത് വികസനം ഉണ്ടാവുകയില്ല. കേന്ദ്രത്തിൽ അധികാരം ഉണ്ടായിരുന്നപ്പോൾ കോൺഗ്രസ് അഴിമതിയിലൂടെ ഖജനാവ് നിറച്ചിരുന്നു. എന്നാൽ കഴിഞ്ഞ 10 വർഷമായി കോൺഗ്രസിന് ഇത് കഴിയുന്നില്ല. അതുകൊണ്ട് തന്നെ കോൺഗ്രസിന്റെ ഖജനാവ് കാലിയായെന്നും ഇപ്പോൾ ഭരിക്കുന്ന സംസ്ഥാനങ്ങളിലെ ജനങ്ങളെയാണ് കോൺഗ്രസ് കൊള്ളയടിക്കുന്നതെന്നും പ്രധാനമന്ത്രി തുറന്നടിച്ചു. അതേസമയം, ഛത്തീസ്ഗഡിനെ ശക്തിപ്പെടുത്തുകയാണ് ബിജെപിയുടെ ലക്ഷ്യം. രാജ്യത്തെ മികച്ച സംസ്ഥാനങ്ങളിൽ ഒന്നായി ചത്തീസ്ഗഡിനെ മാറ്റുമെന്നും പ്രധാനമന്ത്രി പറഞ്ഞു.