ജെ‍ഡിയു ഉപാദ്ധ്യക്ഷന്‍ പ്രശാന്ത് കിഷോറിനെയും പവൻ കുമാറിനെയും പാര്‍ട്ടി പുറത്താക്കി

ജെഡിയു വൈസ് പ്രസിഡന്റ് പ്രശാന്ത് കിഷോറിനെ പാര്‍ട്ടി പുറത്താക്കി. പാര്‍ട്ടി അധ്യക്ഷന്‍ നിതീഷ് കുമാറുമായി ആഴ്ചകള്‍ നീണ്ട തര്‍ക്കങ്ങള്‍ക്കൊടുവിലാണ് ഇത്തരത്തില്‍ ഒരു നടപടിയുണ്ടായിരിക്കുന്നത്. പ്രശാന്ത് കിഷോറിനൊപ്പം മറ്റൊരു മുതിര്‍ന്ന നേതാവായ പവന്‍ വര്‍മ്മയേയും പാര്‍ട്ടി പുറത്താക്കിയിട്ടുണ്ട്.

കേന്ദ്ര സര്‍ക്കാര്‍ പാസാക്കിയ പൗരത്വ നിയമ ഭേദഗതിക്കെതിരെ ഏതാനും ആഴ്ചകളായി തുടര്‍ച്ചയായ വിമര്‍ശനമാണ് പ്രശാന്ത് ഉന്നയിച്ചിരുന്നത്. ഇത് പാര്‍ട്ടി അധ്യക്ഷന്‍ നിതീഷ് കുമാറിന് വലിയ തലവേദനയാണ് ഉണ്ടാക്കിയിരുന്നത്.

പുറത്താക്കിയതിന് പിന്നാലെ, നിതീഷ് കുമാര്‍ നിങ്ങള്‍ക്ക് നന്ദി. ബീഹാറിന്റെ മുഖ്യമന്ത്രി പദവിയില്‍ നിങ്ങള്‍ക്ക് തുടരാന്‍ സാധിക്കട്ടെ. ദൈവം നിങ്ങളെ അനുഗ്രഹിക്കട്ടെ എന്നും അദ്ദേഹം ട്വിറ്റ് ചെയ്തു.