കോഴിക്കോട് : ട്രെയിനുകളിലെ എസി കോച്ച് കേന്ദ്രീകരിച്ച് കവര്ച്ച നടത്തുന്ന ഉത്തരേന്ത്യന് സംഘം പിടിയില്. ഹരിയാന സ്വദേശികളായ രാജേഷ്, ദില്ബാഗ്, മനോജ് കുമാര്, ജിതേന്ദ്ര് എന്നീ നാല് പേരാണ് കോഴിക്കോട് റെയില്വെ പോലീസിന്റെ വലയിലായത്. ചെന്നൈ – മംഗലാപുരം ട്രെയിനില് നിന്നും 50 ലക്ഷം രൂപ വിലമതിക്കുന്ന ആഭരണങ്ങൾ കവര്ന്ന കേസിലാണ് സംഘം അറസ്റ്റിലായിരിക്കുന്നത്. ട്രെയിനുകളില് മോഷണം നടത്തുന്ന സാസി ഗ്യാങ് എന്നറിയപ്പെടുന്നവരാണ് ഈ സംഘമെന്ന് പൊലീസ് അറിയിച്ചു.
എസി കോച്ചുകളില് സീറ്റ് റിസര്വ് ചെയ്താണ് സംഘം മോഷണം നടത്തിയിരുന്നതെന്ന് റെയില്വെ പൊലീസ് അറിയിച്ചു. ചെന്നൈ-മംഗലാപുരം ട്രെയിനില് വെച്ച് 50 ലക്ഷം രൂപ വില മതിക്കുന്ന സ്വര്ണ, ഡയമണ്ട് ആഭരണങ്ങള് മോഷ്ടിച്ച കേസിലെ പ്രതികളാണ് ഇവര്. ഇക്കഴിഞ്ഞ 13ന് രാത്രിയായിരുന്നു കവര്ച്ച. കോഴിക്കോട് കൊയിലാണ്ടി സ്വദേശികളുടെ സ്വര്ണമാണ് കവര്ന്നത്.
