സിനിമാലോകം കീഴടക്കാൻ ഒരുങ്ങി ‘കബ്‌സ’ ; തരംഗമായി ചിത്രത്തിൻറെ ട്രൈലെർ, കെ.ജി.എഫിന് ശേഷം വരുന്ന പാൻ ഇന്ത്യൻ ചിത്രം

കെജിഎഫിനെ വെല്ലാനൊരുങ്ങി ‘കബ്‌സ’ വരുന്നു. വൻ മുതൽ മുടക്കിൽ നിർമ്മിച്ച പിരിയഡ് ഗ്യാങ്ങ്സ്റ്റർ ചിത്രമാണ് കബ്‌സ. മാർച്ച് 17 ന് ലോകത്തുടനീളം ചിത്രം റിലീസ് ചെയ്യും. ചിത്രത്തിന്റെ ട്രെയിലറിന് വൻ സ്വീകാര്യതയാണ് ഇപ്പോൾ ലഭിച്ചുകൊണ്ടിരിക്കുന്നത്. ഉപേന്ദ്ര, ശിവരാജ്കുമാർ , കിച്ച സുദീപ്, ശ്രീയ ശരൺ എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. ആർ. ചന്ദ്രുവാണ് ചിത്രത്തിന്റെ സംവിധായകൻ.

ഇന്ത്യക്ക് സ്വാതന്ത്ര്യം ലഭിക്കുന്നതിന് മുമ്പ് 1940 കാലഘട്ടത്തിലെ ഒരു ഗ്യാങ്ങ്സ്റ്ററുടെ കഥയാണ് ചിത്രം പറയുന്നത്. ചിത്രത്തിന്റെ ട്രെയിലറിൽ കാണിച്ചിരിക്കുന്ന സംഘട്ടന രംഗങ്ങൾ പ്രേക്ഷകരെ ആവേശത്തിലാക്കിയിരിക്കുകയാണ്. 120 കോടിരൂപ മുതൽ മുടക്കിലാണ് ചിത്രത്തിൻറെ നിർമ്മാണം പൂർത്തിയാക്കിയിരിക്കുന്നത്. കന്നട, തെലുങ്ക്, തമിഴ്, ഹിന്ദി, മലയാളം ഭാഷകളിലാണ് ചിത്രം പുറത്തിറങ്ങുന്നത്.