ഭര്‍ത്താവിനെ വിറക് കൊള്ളി കൊണ്ട് തലയ്ക്കടിച്ച്‌ കൊലപ്പെടുത്തി ഭാര്യ; നാടിനെ നടുക്കിയ സംഭവം പാലക്കാട്

പാലക്കാട്: കല്ലടിക്കോടിൽ ഭാര്യ ഭര്‍ത്താവിനെ വിറക് കൊള്ളി കൊണ്ട് തലയ്ക്കടിച്ചു കൊന്നു. ചുങ്കം സ്വദേശി ശാന്തയാണ് കോലത്തുപള്ളിയാല്‍ ചന്ദ്രനെ കൊലപ്പെടുത്തിയത്. സംഭവത്തിൽ പ്രതിയെ പോലീസ് പിടികൂടി.

ഇരുവർക്കിമിടയിൽ പ്രശ്‌നങ്ങളുണ്ടായിരുന്നതായി അയല്‍വാസികള്‍ പറഞ്ഞു. ചന്ദ്രന്റെ നിലവിളി ശബ്ദം കേട്ട് എത്തിയ അയല്‍വാസികളാണ് പോലീസില്‍ വിവരമറിയിച്ചത്

കല്ലടിക്കോട് സ്‌റ്റേഷന്‍ പരിധിയിലാണ് സംഭവം നടന്നത്. കല്ലടിക്കോട് സി.ഐയുടെ നേതൃത്വത്തില്‍ ഇന്‍ക്വിസ്റ്റ് നടപടികള്‍ പുരോഗമിക്കുകയാണ്. ഫോറന്‍സിക് വിദഗ്ധരും സംഭവസ്ഥലത്തുണ്ട്. ഇന്‍ക്വിസ്റ്റ് നടപടികള്‍ക്ക് ശേഷം പാലക്കാട് ജില്ലാ ആശുപത്രിയിലേക്ക് മൃതദേഹം മാറ്റും.