കൊച്ചി : ഐഎസുമായി ചേര്ന്ന് ഭീകരാക്രമണത്തിനുള്ള പദ്ധതി തയ്യാറാക്കുന്നതിനായി കണ്ണൂര് കനകമലയില് രഹസ്യ യോഗം ചേര്ന്ന കേസില് കൊച്ചി എന്ഐഎ കോടതി ഇന്ന് വിധി പറയും. കേരള, തമിഴ്നാട് സ്വദേശികളായ 7 പ്രതികളുടെ വിധിയാണ് ഇന്ന് പറയുക.
കേസില് ആകെ 15 പ്രതികളുണ്ടെങ്കിലും ആദ്യ കുറ്റപത്രത്തില് 8 പ്രതികളാണുള്ളത്. ഇറാഖില് ആയുധ പരിശീലനം നേടിയ തിരുനെല്വേലി സ്വദേശി സുബഹാനി ഹാജ മൊയതീനും കേസില് പ്രതിയാണെങ്കിലും വിചാരണ പൂര്ത്തിയാകാത്തതിനാല് ഇയാളുടെ ശിക്ഷ പിന്നീട് തീരുമാനിക്കും
2016 ഒക്ടോബറിലാണ് എന്ഐഎ കണ്ണൂര് കനകമലയില് ക്യാമ്ബ് ചെയ്ത് സ്ഫോടനങ്ങള് ആസൂത്രണം ചെയ്യുന്നതിനിടയില് ആറ് പേരെ പിടികൂടിയത്.
