കണ്ണൂരിൽ വൻ ലഹരിമരുന്ന് വേട്ട; ഒരാൾ പിടിയിൽ

കണ്ണൂർ: സംസ്ഥാനത്ത് കണ്ണൂരിൽ വൻ ലഹരിമരുന്ന് വേട്ട. നിരോധിത മയക്കുമരുന്നായ എംഡിഎംഎയാണ് പിടികൂടിയത്. കണ്ണൂർ ബർണശ്ശേരി സ്വദേശി സഞ്ജു വിൽഫ്രഡിന്റെ കയ്യിൽ നിന്നാണ് എംഡിഎംഎ
പിടികൂടിയത്.

10.5 ഗ്രാം എംഡിഎംഎ ആണ് പിടികൂടിയത്. സഞ്ജു വിൽഫ്രഡിനെ പോലീസ് അറസ്റ്റ് ചെയ്തു. ടൗൺ എസ്ഐ, സി.എച്ച്.നസീബും സംഘവുമാണ് പ്രതിയെ പിടികൂടിയത്. ഇവർക്ക് ലഭിച്ച രഹസ്യ വിവരത്തെ തുടർന്ന് നടത്തിയ അന്വേഷണത്തിലാണ് പ്രതി പിടിയിലായത്.

അതേസമയം, ഇന്ന് തിരുവനന്തപുരത്ത് വെഞ്ഞാറമൂട്ടിൽ പോലീസ് സ്റ്റേഷന് പിന്നിലെ വീട്ടിൽ നിന്നും കഞ്ചാവ് പിടികൂടിയിരുന്നു. 210 കിലോ കഞ്ചാവ് ഇവിടെ നിന്ന് പിടിച്ചെടുത്തു. ഡിസ്ട്രിക്ട് ആന്റി നാർകോട്ടിക് സ്പെഷ്യൽ ആക്ഷൻ ഫോഴ്സ് റൂറൽ വിഭാഗമാണ് കഞ്ചാവ് പിടികൂടിയത്. കൂടാതെ ക‌ഞ്ചാവ് സൂക്ഷിച്ച കിഷോർ എന്നയാളെ കസ്റ്റഡിയിലെടുത്തു.