കന്യാകുമാരിയിൽ വൻ മയക്കുമരുന്നു വേട്ട ; അയുധങ്ങളും മയക്കുമരുന്നുമായി ബോട്ട് പിടിച്ചെടുത്തു

കന്യാകുമാരി: തമിഴ്‌നാട് തീരം വഴി കടൽ മാർഗത്തിലൂടെ ഇന്ത്യയിലേക്ക് കടത്താൻ ശ്രമിച്ച മയക്കുമരുന്നുകളും ആയുധങ്ങളും ഇന്ത്യൻ കോസ്റ്റ് ഗാർഡ് പിടിച്ചെടുത്തു. രഹസ്യാന്വേഷണ ഏജൻസികളിൽ നിന്ന് ഐസിജിക്ക് ലഭിച്ച വിവരത്തിന്റെ അടിസ്ഥാനത്തിലാണ് തിരച്ചിൽ നടത്തിയത്. ശ്രീലങ്കൻ ബോട്ടിലൂടെയാണ് ചരക്ക് കൈമാറ്റം ചെയ്യുന്നതെന്നും വിവരം ലഭിച്ചിരുന്നു. ഇന്ത്യൻ കോസ്റ്റ് ഗാർഡ് കള്ളക്കടത്തുകാരെ പിടികൂടുന്നതിനായി അഞ്ച് കപ്പലുകൾ വിന്യസിക്കുകയും കള്ളപ്പണം ബോട്ടിൽ നിന്നും പിടിച്ചെടുക്കുകയും ചെയ്തു. നവംബർ 24ന് തൂത്തുക്കുടിക്ക് തെക്ക് നിന്നാണ് ശ്രീലങ്കൻ ബോട്ടിനെ സംശയാസ്പദമായ രീതിയിൽ കണ്ടത്തിയത്. പിടിച്ചെടുത്ത ബോട്ടിൽ നടത്തിയ തിരച്ചിലിൽ 99 പാക്കറ്റ് ഹെറോയിൻ, 20 ബോക്സ് സിന്തറ്റിക് മരുന്നുകൾ, അഞ്ച് 9 എംഎം പിസ്റ്റളുകൾ, ഒരു തുരയ സാറ്റലൈറ്റ് ഫോൺ സെറ്റ് എന്നിവയും കണ്ടെത്തി.