ദൈവത്തിന്റെ സ്വന്തം നാട് ഇന്ന് നായ്ക്കളുടെ നരകം! ‘കേരളത്തെ ബഹിഷ്കരിക്കുക, വിനോദ സഞ്ചാര കേന്ദ്രങ്ങൾ ബഹിഷ്കരിക്കുക; അവരുടെ ഉത്പന്നങ്ങൾ വാങ്ങരുത്: മലയാളികൾക്കെതിരെ രൂക്ഷമായ വിമർശനവുമായി കരിഷ്മ

കേരളത്തിലെ തുടർച്ചയായിട്ടുള്ള തെരുവ് നായ്ക്കൾ മരണപ്പെടുന്ന സാഹചര്യത്തിൽ വിമർശനവുമായി നടി കരിഷ്മ തന്ന. സംഭവത്തെ തുടർന്ന് കേരളത്തിലെ വിനോദ സഞ്ചാര കേന്ദ്രങ്ങളെയും കേരള ഉല്പന്നങ്ങളേയും ബഹിഷ്കരിക്കാൻ നടി കരിഷ്മ തന്ന ആഹ്വാനവും ചെയ്തു.

അതേസമയം തന്നെ കേരളത്തിൽ തെരുവുനായ്ക്കളെ കൂട്ടക്കൊലചെയ്യുകയാണെന്നും, ഇത്തരക്കാരെ ഒറ്റപ്പെടുത്തണമെന്നുമാണ് നടി ആവശ്യപ്പെടുന്നത്. നടിയുടെ ഇൻസ്റ്റാഗ്രാം സ്റ്റോറിയിലൂടെയാണ് കേരളത്തിനെതിരെ ഇത്തരത്തിലെ പ്രചാരണം നടത്തിയത്. മാത്രമല്ല ദൈവത്തിന്റെ സ്വന്തം നാട് ഇന്ന് നായ്ക്കളുടെ നരകമായെന്നും പോസ്റ്റിൽ ആരോപണം ഉന്നയിക്കുന്നുണ്ട്.

ഈ സാഹചര്യത്തിൽ കേരളത്തിലെ വിനോദ സഞ്ചാര കേന്ദ്രങ്ങൾ ബഹിഷ്കരിക്കണമെന്ന് ആവശ്യപ്പെട്ടിരിക്കുകയാണ് കരിഷ്മ. ലോകത്തിന്റെ ഒരു ഭാഗത്ത് നിന്നുമുള്ള ജനവിഭാഗങ്ങൾ ടൂറിസത്തിന്റെ ഭാഗമായി കേരളം സന്ദർശിക്കരുതെന്നതും ശക്തമായി ആവശ്യം ഉന്നയിച്ചിട്ടുണ്ട്.