ഇന്ത്യൻ നാഗരിക സംസ്കാരങ്ങളുടെ നേട്ടങ്ങൾ വിദ്യാർത്ഥികളുടെ പാഠപുസ്തകങ്ങളിൽ നിന്ന് മാറ്റിനിർത്തുന്നത് തെറ്റായ പ്രത്യയശാസ്ത്രമെന്ന് എൻസിഇആർടി കരിക്കുലർ ഏരിയ ഗ്രൂപ്പിൻ്റെ ചെയർപേഴ്‌സൻ മൈക്കൽ ഡാനിനോ ! , ഇന്ത്യൻ വിജ്ഞാന സമ്പ്രദായങ്ങൾക്ക് വേണ്ട പ്രാധാന്യം നൽകാതിരുന്നത് തന്നെ അത്ഭുതപ്പെടുത്തിയതായും ഡാനിനോ

ദില്ലി : സഹസ്രാബ്ദങ്ങളായി ഇന്ത്യൻ നാഗരിക സംസ്കാരങ്ങളുടെ നേട്ടങ്ങൾ വിദ്യാർത്ഥികളുടെ പാഠപുസ്തകങ്ങളിൽ നിന്ന് മാറ്റിനിർത്തുന്നത് തെറ്റായ പ്രത്യയശാസ്ത്രമാണെന്ന് ലോകത്തെ പ്രമുഖ വിദ്യാഭ്യാസ വിദഗ്ധനും എൻസിഇആർടി കരിക്കുലർ ഏരിയ ഗ്രൂപ്പിൻ്റെ ചെയർപേഴ്‌സണുമായ മൈക്കൽ ഡാനിനോ. ഇംഗ്ലീഷിന് അമിതമായ മുൻതൂക്കം നൽകുന്ന പ്രവണതയും ഇംഗ്ലീഷ് മീഡിയം സ്‌കൂളുകളിലേക്കുള്ള വിദ്യാർത്ഥികളുടെ അഭിനിവേശവും ക്രമേണ കുറയുകയുകയും വേണമെന്നും
ഐഐടി ഗാന്ധിനഗറിലെ ഹ്യൂമാനിറ്റീസ് ആൻ്റ് സോഷ്യൽ സയൻസ് വിഭാഗത്തിലെ വിസിറ്റിംഗ് പ്രൊഫസർ കൂടിയായ ഡാനിനോ പറഞ്ഞു.

ഇന്ത്യൻ വിജ്ഞാനസംവിധാനം പാഠ്യപദ്ധതിയിൽ ഉൾപ്പെടുത്താനും ഇന്ത്യൻ ഭാഷകളിൽ വിദ്യാഭ്യാസം നൽകാനും ലക്ഷ്യമിട്ടുള്ള ദേശീയ പാഠ്യപദ്ധതി ശുപാർശകൾ രാഷ്ട്രീയപരവും പ്രോത്സാഹിപ്പിക്കാനുള്ള പ്രേരണയുമാണെന്ന ആരോപണത്തിൽ പ്രതികരിക്കുകയായിരുന്നു അദ്ദേഹം.

“പാഠപുസ്തക വികസന കമ്മീഷനുകൾ പൂർണ സ്വാതന്ത്ര്യത്തോടെയാണ് പ്രവർത്തിക്കുന്നത്. രാഷ്ട്രീയ താത്പര്യങ്ങൾ പാഠപുസ്തകങ്ങളിൽ കടത്തി വിടണമെന്ന് ഞങ്ങളോട് ഒരിക്കലും പറഞ്ഞിട്ടില്ല. സഹസ്രാബ്ദങ്ങളോടെ ഇന്ത്യൻ നാഗരികതയുടെ നേട്ടങ്ങൾ വിദ്യാർത്ഥികളുടെ കാഴ്ചപ്പാടിൽ നിന്ന് മാറ്റി നിർത്തുന്നത് തെറ്റായ പ്രത്യയശാസ്ത്രമാണ്. ഇന്ത്യൻ സംസ്കാരം, പൈതൃകം, തത്വചിന്തകൾ എന്നിവയുമായി ബന്ധപ്പെട്ട ഉള്ളടക്കങ്ങൾ രാജ്യത്തിൻ്റെ വിദ്യാഭ്യാസ സമ്പ്രദായത്തിൽ ഉൾപ്പെടുത്താത്ത സാഹചര്യത്തിന് ഞാൻ മുമ്പ് ഇന്ത്യയിൽ സാക്ഷ്യം വഹിച്ചിട്ടുണ്ട്.

ഇന്ത്യൻ ഉള്ളടക്കം, ഇന്ത്യൻ സംസ്കാരത്തിൻ്റെ ഉള്ളടക്കം, ഇന്ത്യൻ പൈതൃകം, ഇന്ത്യൻ പാഠം, ഇന്ത്യൻ തത്വചിന്തകൾ, ഇന്ത്യൻ വിജ്ഞാന സമ്പ്രദായങ്ങൾ എന്നിവ വിദ്യാഭ്യാസ സമ്പ്രദായത്തിലെ എല്ലാ തരത്തിലുമുള്ള സ്‌കൂൾ തലങ്ങളിലും ഉന്നത വിദ്യാഭ്യാസ തലങ്ങളിലും നേരത്തെ വരാത്തതിൽ ഞാൻ ആശ്ചര്യപ്പെടുകയാണ്.” -ഡാനിനോ പറഞ്ഞു