വീണ്ടും തെരുവ് നായ ആക്രമണം ; ബൈക്കിന് മുന്നിൽ ചാടി അപകടം; മാധ്യമപ്രവര്‍ത്തകന് പരിക്ക്, ആലപ്പുഴയിൽ ആടുകളെ നായ്ക്കൂട്ടം കടിച്ചു കൊന്നു

കൊല്ലം:കേരളം ദിനം പ്രതി തെരുവ് നായ ആക്രമണം നേരിടുകയാണ് .കൊല്ലത്ത് നായ ബൈക്കിന് കുറുകെ ചാടിയുണ്ടായ അപകടത്തിൽ മാധ്യമ പ്രവർത്തകന് പരിക്കേറ്റു. ജന്മഭൂമി കൊല്ലം റിപ്പോര്‍ട്ടര്‍ രഞ്ജിത്തിനാണ് പരിക്കേറ്റത്. കൈക്കും കാലിനും പരിക്കേറ്റ രഞ്ജിത്തിനെ കൊട്ടാരക്കരയിലെ സ്വകാര്യ ആശുപത്രിയിൽ പ്രവേശിപ്പിച്ചു.

അതേ സമയം ആലപ്പുഴയിൽ നായ്ക്കൂട്ടം ആടുകളേയും കോഴികളെയും കടിച്ചു കൊന്നു. കായംകുളം കൃഷ്ണപുരത്ത് ഷൗക്കത്തിൻ്റെ വീട്ടിലാണ് കോഴികളെയും ആടുകളെയും തെരുവ്നായ ആക്രമിച്ചത്. വീട്ടിൽ ആളില്ലാത്ത സമയത്തായിരുന്നു ആക്രമണം ഉണ്ടായത് . ആടിൻ്റെ കരച്ചിൽ കേട്ട് ഓടിയെത്തിയ അയല്‍ക്കാര്‍ ആടിനെ രക്ഷിക്കാനുള്ള ശ്രമം നടത്തിയെങ്കിലും ഫലവത്തായില്ല.