തിരുവനന്തപുരം : സംസ്ഥാനത്ത് ഫെബ്രുവരി ഒന്ന് മുതല്‍ മദ്യവില വര്‍ധിക്കും. അടിസ്ഥാന വിലയില്‍ 30 രൂപ മുതല്‍ 40 രൂപ വരെയാണ് കൂട്ടുന്നത് . അതേസമയം കോവിഡ് സെസ് പിന്‍വലിക്കുന്നതില്‍ തീരുമാനം പിന്നീടുണ്ടാക്കുന്നതാണ്.
അസംസ്‌കൃത വസ്തുക്കള്‍ക്ക് വില വര്‍ധിച്ചതിനാല്‍ മദ്യത്തിന്‍റെ വില കൂട്ടണമെന്ന് കമ്പനികൾ ബിവറേജസ് കോർപ്പറേഷനോട് ആവശ്യപ്പെട്ടിരുന്നു . ഇത് പരിഗണിച്ച്‌ അടിസ്ഥാന വില ഏഴ് ശതമാനം വര്‍ധിപ്പിക്കണമെന്ന് സര്‍ക്കാരിനോട് ബെവ്കോയും ആവശ്യപ്പെട്ടിരുന്നു. എന്നാൽ ബീയർ, വൈൻ, എന്നിവക്ക് ഇത് ബാധകമല്ല.
