കാസർകോട്: കോവിഡ് പശ്ചാത്തലത്തിൽ ഒരു ഹ്രസ്വചിത്രം ഒരുക്കി തരംഗമാകുകയാണ് ധനലക്ഷ്മി സി. ബിനോയ് എന്ന ആറാം ക്ലാസുകാരി. ചെറുവത്തൂർ വലിയപൊയിൽ സ്വദേശിയായ ബിനോയിയുടെയും സജ്ന ബിനോയിയുടെയും ഏക മകളാണ് ധനലക്ഷ്മി സി. ബിനോയ്. കഥയും തിരക്കഥയും സംഭാഷണവും സംവിധാനവും അഭിനയവുമെല്ലാം ഈ കൊച്ചുമിടുക്കി തന്നെയാണ് നിർവഹിച്ചത്.
സംവിധായകൻ ഫാറൂഖ് അബ്ദുൽ റഹ്മാൻ ആണ് ഹ്രസ്വചിത്രത്തിന്റെ പ്രകാശനം നിർവഹിച്ചത്. കാസർകോട് പ്രസ്ക്ലബ് ഹാളിൽ നടന്ന പ്രകാശന പരുപാടിയിൽ അമ്മ സജ്ന ബിനോയി, അമ്മൂമ്മ ഭാർഗവി, കലാക്ഷേത്ര കലാസാഹിത്യ അക്കാദമി ജില്ല പ്രസിഡൻറ് അഴകേശൻ തുരുത്തി, പ്രസ്ക്ലബ് മുൻ പ്രസിഡൻറ് സണ്ണി ജോസഫ് എന്നിവർ പങ്കെടുത്തു.
കോവിഡിന്റെ വരവും അത് ജീവിതത്തിൽ ഉണ്ടാക്കിയ മാറ്റവുമാണ് ഈ ഹ്രസ്വചിത്രത്തിന്റെ പശ്ചാത്തലം. പ്രായഭേദമന്യേ ലോക്ക്ഡൌൺ എങ്ങനെ എല്ലാവർക്കും
അനുഭവപ്പെട്ടു എന്നും ചിത്രം പറയുന്നു. ലോക്ക്ഡൌൺ നിർദ്ദേശങ്ങൾ പാലിക്കാതെയും, ക്വാറൻറീൻ പാലിക്കാതെയും നടന്നവർക്കുണ്ടാകുന്ന ദുരന്തവും ചിത്രത്തിൽ മനസ്സിലാക്കാം. സാമൂഹിക അകലം പാലിക്കാനും മാസ്ക് ധരിക്കാനും കൈകൾ ഇടക്കിടെ വൃത്തിയാക്കാനും ഓർമപ്പെടുത്തിയാണ് ചിത്രം അവസാനിക്കുന്നത്. ആരോഗ്യ പ്രവത്തകരുടെ നിർദേശങ്ങൾക്ക് ജീവനോളം വിലയുണ്ടെന്ന സന്ദേശമാണ് ധനലക്ഷ്മി ഈ ഹ്രസ്വചിത്രത്തിലൂടെ പകർന്നുനൽകുന്നത്.
വലിയപൊയിൽ നാലിലാംകണ്ടം ജി.യു.പി സ്കൂളിലെ ആറാം തരം വിദ്യാർഥിനിയാണ് ധനലക്ഷ്മി
കെ. രവീന്ദ്രൻ നായരാണ് ചിത്രത്തിന്റെ നിർമാണം നിർവഹിച്ചത്. രാഹുൽ ലൂമിയർ,
സുനിൽ പാർവതി, വിനീഷ് റെയിൻബോ എന്നിവരാണ് അണിയറപ്രവർത്തകർ.
മണ്ഡല-മകരവിളക്ക് തീർത്ഥാടന കാലയളവിൽ ശബരിമലയിൽ ദർശനത്തിനായി ഓൺലൈൻ വഴി സ്ലോട്ടുകൾ ബുക്ക് ചെയ്യുന്ന ഭക്തരുടെ എണ്ണവും യഥാർത്ഥത്തിൽ സന്നിധാനത്ത് എത്തുന്ന…
ഭാരതത്തിന്റെ സനാതന സാംസ്കാരിക പൈതൃകത്തിന്റെ പ്രതീകമായ പ്രശസ്തമായ ചക്കുളത്തുകാവ് ശ്രീഭഗവതി ക്ഷേത്രത്തിൽ പ്രസിദ്ധമായ കാർത്തിക പൊങ്കാല മഹോത്സവത്തിന് മുന്നോടിയായുള്ള നിലവറദീപം…
1969-ലെ ഉഡുപ്പി സമ്മേളനത്തിൽ എല്ലാ ധർമ്മാചാര്യന്മാരും ഒരേ സ്വരത്തിൽ നൽകിയ സാമൂഹിക സമരസതയുടെ മഹത്തായ ആഹ്വാനം പൂർണ്ണതയിൽ നടപ്പിലാക്കാൻ രാഷ്ട്രീയ…
മുസ്ലിം യൂത്ത് ലീഗ് നേതാവായിരുന്ന അരിയിൽ അബ്ദുൾ ഷുക്കൂർ കൊല്ലപ്പെട്ട കേസിൽ പതിന്നാലര വർഷത്തെ നിയമപോരാട്ടങ്ങൾക്ക് ശേഷം കൊച്ചി സി.ബി.ഐ.…
വിരമിച്ചശേഷം പി.എഫ് അക്കൗണ്ടിലുള്ള മുഴുവൻ തുകയും ഒറ്റത്തവണയായി പിൻവലിക്കാതെ, നിശ്ചിത ഇടവേളകളിൽ ഗഡുക്കളായി കൈപ്പറ്റാൻ അവസരമൊരുക്കുന്ന പുതിയ പദ്ധതിക്ക് എംപ്ലോയീസ്…
ശബരിമല തീർത്ഥാടനവുമായി ബന്ധപ്പെട്ട തിരുവാഭരണഘോഷയാത്ര കടന്നുപോകുന്ന പരമ്പരാഗത പാതയിലെ കൈയേറ്റങ്ങൾ ഒഴിപ്പിക്കണമെന്ന ആവശ്യവുമായി തിരുവാഭരണപാത സംരക്ഷണ സമിതി. മകരസംക്രാന്തി ദിനത്തിൽ…