മുലപ്പാൽ കുടിക്കുമ്പോൾ ശ്വാസതടസ്സം: പിഞ്ചുകുഞ്ഞ് മരിച്ചു

കൊല്ലം: മുലപ്പാൽ കുടിക്കുന്നതിനിടെ ശ്വാസംമുട്ടി അഞ്ചു മാസം പ്രായമുള്ള കുഞ്ഞു മരിച്ചു. കൊല്ലം കോട്ടപ്പുറം കോട്ടമൂല കൃഷ്ണാലയത്തിൽ ഹരിഷ്കൃഷ്‌ണന്റെയും ലക്ഷ്മിയുടെയും മകളായ അമേയയാണ് മരിച്ചത്. ഇന്നലെ രാവിലെയാണ് സംഭവമുണ്ടായത്. ഇന്നലെ പുലർച്ചെ പാൽ കൊടുക്കുമ്പോൾ കുഞ്ഞിനു ശ്വാസതടസ്സം അനുഭവപ്പെട്ടു.

തുടർന്ന് ഉടൻ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. മുലപ്പാൽ ശ്വാസകോശത്തിൽ കയറിയതാണെന്നാണ് പ്രാഥമിക നി​ഗമനം. മൃതദേഹം പാരിപ്പള്ളി മെഡിക്കൽ കോളജിൽ പരിശോധന നടത്തിയ ശേഷം വീട്ടു വളപ്പിൽ സംസ്കരിച്ചു. സംഭവത്തിൽ പൊലീസ് അസ്വാഭാവിക മരണത്തിനു കേസെടുത്തു.