കുവൈത്ത് തീപിടിത്തം !മരണ സംഖ്യ 49 ആയി ! 11 മലയാളികളെ തിരിച്ചറിഞ്ഞതായി സൂചന ; തിരിച്ചറിയാതെ 16 മൃതദേഹങ്ങൾ

കുവൈത്തില്‍ തൊഴിലാളി ക്യാമ്പിലുണ്ടായ തീപിടിത്തത്തില്‍ മരിച്ചവരിൽ 11 മലയാളികളെ തിരിച്ചറിഞ്ഞതായി റിപ്പോർട്ട്. ഇതില്‍ ഒരാള്‍ കൊല്ലം സ്വദേശിയാണ്. കൊല്ലം പൂയപ്പള്ളി പയ്യക്കോട് സ്വദേശി ഷമീർ ആണ് മരിച്ചത്. അപകടത്തിൽ മരിച്ചവരിൽ പകുതിയോളം പേരും മലയാളികളാണെന്നും റിപ്പോർട്ടുണ്ട്. മരിച്ച 16 പേരുടെ മൃതദേഹങ്ങൾ തിരിച്ചറിഞ്ഞിട്ടില്ല. മാംഗെഫിൽ എൻബിടിസി കമ്പനിയുടെ നാലാം നമ്പർ ക്യാംപിലാണ് അഗ്നിബാധയുണ്ടായത്. പുലർച്ചെ നാലിനായിരുന്നു അപകടം. ഷോർട്ട് സർക്യൂട്ടാണ് അപകടകാരണം എന്നാണ് പ്രാഥമിക നിഗമനം. ഒപ്പം മുറികളിലുണ്ടായിരുന്ന ഗ്യാസ് സിലിണ്ടറുകൾ പൊട്ടിത്തെറിച്ചതും അപകടത്തിന്റെ വ്യാപ്തി കൂട്ടി. മരിച്ചവരിൽ ഭൂരിഭാഗം പേരും ഉറക്കത്തിലായിരുന്നു. രക്ഷപ്പെടാൻ ഉള്ള വ്യഗ്രതയിൽ തിക്കും തിരക്കും ഉണ്ടായി. രക്ഷപ്പെടാനായി കെട്ടിടത്തിനു പുറത്തേക്ക് ചാടി നട്ടെല്ലിന് പരിക്ക് പറ്റിയ നിരവധി പേർ ചികിത്സയിലാണ്. അഞ്ച് ഫയർ ഫോഴ്‌സ് ഉദ്യോഗസ്ഥർക്കും പരിക്കേറ്റു.

അൽ അദാൻ ആശുപത്രിയിൽ 30 ഇന്ത്യക്കാർ ചികിത്സയിലുണ്ട്. അൽ കബീർ ആശുപത്രിയിൽ ചികിത്സയിലുള്ളത് 11 പേരാണ്. 10 പേരെ ഇന്ന് ഡിസ്ചാർജ് ചെയ്യും. ഫർവാനിയ ആശുപത്രിയിൽ 6 പേർ ചികിത്സയിലുണ്ട്. 4 പേരെ ഡിസ്ചാർജ് ചെയ്‌തു. പരിക്ക് പറ്റി ചികിത്സയിൽ ഉള്ളവർ മിക്കവരും ഇന്ത്യക്കാരാണ്. മുഴുവൻ സഹായവും നൽകുമെന്ന് അംബാസഡര്‍ അറിയിച്ചു.

മരിച്ച 49 പേരിൽ 21 പേരുടെ വിവരങ്ങൾ ലഭ്യമായി.

1. ഷിബു വർഗീസ്
   2 തോമസ് ജോസഫ്
   3.പ്രവീൺ മാധവ് സിംഗ്
   4.ഷമീർ
2. ലൂക്കോസ് വടക്കോട്ട് ഉണ്ണുണ്ണി
   6 ഭുനാഫ് റിച്ചാർഡ് റോയ് ആനന്ദ
   7.കേളു പൊന്മലേരി
   8 സ്റ്റീഫിൻ എബ്രഹാം സാബു
   9 അനിൽ ഗിരി
   10.മുഹമ്മദ് ഷെരീഫ് ഷെരീഫ
   11.സാജു വർഗീസ്
3. ദ്വാരികേഷ് പട്ടനായക്
   13 മുരളീധരൻ പി.വി
   14 വിശ്വാസ് കൃഷ്ണൻ
   15 അരുൺ ബാബു
   16സാജൻ ജോർജ്
   17 രഞ്ജിത്ത് കുണ്ടടുക്കം
4. റെയ്മണ്ട് മഗ്പന്തയ് ഗഹോൽ
   19.ജീസസ് ഒലിവറോസ് ലോപ്സ്
   20 ആകാശ് ശശിധരൻ നായർ
   21 ഡെന്നി ബേബി കരുണാകരൻ എന്നിവരാണ് മരിച്ചത്.