റിസബാവ എന്നല്ല എന്റെ പേര്: പലരും അറിയാതെ പോയ സത്യം; നടന്റെ യഥാർത്ഥ പേര് ഇതാണ്

മലയാള സിനിമയിലെ സുന്ദരനായ വില്ലൻ എന്ന് വിശേഷിക്കുന്ന നടനായിരുന്നു രിസബാവ. കഴിഞ്ഞ ദിവസമാണ് അദ്ദേഹത്തിന് സിനിമ ലോകം വിട ചൊല്ലിയത്. നിരവധി സിനിമ താരങ്ങളാണ് നടന് ആദരാഞ്ജലികൾ അർപ്പിച്ചത്. ഇപ്പോഴിതാ അദ്ദേഹത്തിന്റെ പേരിനെച്ചൊല്ലിയുള്ള ചർച്ചകളാണ് നടക്കുന്നത്. ഭൂരിഭാ​ഗം മലയാളികളുടേയും മനസിലുള്ള റിസബാവ എന്നു തന്നെയാണോ അദ്ദേഹത്തിന്റെ പേര്. അല്ലെന്നാണ് അദ്ദേഹം തന്നെ വ്യക്തമാക്കിയിട്ടുള്ളത്.

താൻ രിസബാവയാണെന്ന് പഴയ ഒരു അഭിമുഖത്തിൽ അദ്ദേഹം വ്യക്തമാക്കിയിരുന്നു. രിസബാവ എന്ന് അറിയപ്പെടാനാണ് തനിക്കു താൽപ്പര്യമെന്നും അദ്ദേഹം വ്യക്തമാക്കിയിരുന്നു. കരിയറിന്റെ തുടക്കത്തിൽ ചില മാധ്യമങ്ങളിൽ റിസബാവയെന്ന് അച്ചടിച്ചു വന്നതോടെയാണ് തന്റെ പേരും ആ പേരിനുപിന്നിലെ കഥയും പറഞ്ഞത്.

തിക്കുറിശ്ശി മാമനാണ് നാടകത്തിൽ നിന്ന് സിനിമയിൽ എത്തിയപ്പോൾ രിസബാവ എന്ന പേര് സമ്മാനിച്ചതെന്നാണ് നടൻ പറഞ്ഞത്. പിന്നീട് മാധ്യമങ്ങളിൽ രിസബാവയെന്നത് റിസബാവയായി എഴുതാൻ തുടങ്ങി. എന്നാൽ ആദ്യമൊന്നും തിരുത്താൻ പോയില്ല. പക്ഷെ ഇപ്പോൾ താൻ രിസബാവയെന്ന് അറിയപ്പെടാനാണ് ആഗ്രഹിക്കുന്നതെന്നും അഭിമുഖത്തിൽ അദ്ദേഹം പറയുന്നുണ്ട്. എന്നാൽ ഇന്നും ഭൂരിഭാ​ഗം സിനിമാ പ്രേമികൾക്കും അദ്ദേഹം റിസബാവ തന്നെയാണ്.