ധീരനായ സ്വാതന്ത്ര്യ സമര സേനാനിയും കവിയും എഴുത്തുകാരനുമായ വിനായക് ദാമോദർ സവർക്കർ ചരിത്രത്തിൽ അധികാരികളാൽ പാർശ്വവൽക്കരിക്കപ്പെട്ട വ്യക്തിത്വമാണ്. എന്നാൽ ഭാരതാംബയുടെ ധീര പുത്രനായ വീര സവർക്കറുമായി അടുത്ത ആത്മബന്ധം പുലർത്തിയിരുന്നു ഇന്ന് അന്തരിച്ച അനശ്വര ഗായിക ലതാ മങ്കേഷ്കറും അവരുടെ കുടുംബവും. പ്രശസ്തിയുടെ കൊടുമുടിയിൽ നിൽക്കുമ്പോഴും എല്ലാവർഷവും സവർക്കറുടെ ജന്മദിനമായ മെയ് 28 നും ചരമ ദിനമായ ഫെബ്രുവരി 26 നും ലതാജി മുടങ്ങാതെ സവർക്കറെ അനുസ്മരിച്ച് സമൂഹ മാധ്യമങ്ങളിൽ കുറിപ്പുകൾ എഴുതുമായിരുന്നു. കഴിഞ്ഞ മെയ് 28 നും ലതാ മങ്കേഷ്‌കർ ട്വിറ്ററിൽ സവർക്കറെ സ്മരിച്ചിരുന്നു. ഭാരതമാതാവിന്റെ യദാർത്ഥ പുത്രനും തനിക്ക് പിതൃസ്ഥാനീയനുമായ സവർക്കർക്ക് ജന്മദിനത്തിൽ കോടി പ്രണാമം അർപ്പിക്കുന്നു എന്ന് അനശ്വര ഗായിക ട്വിറ്ററിൽ കുറിച്ചത് 8 മാസങ്ങൾക്ക് മുമ്പായിരുന്നു. തന്റെ പിതാവും സവർക്കറും തമ്മിൽ ഊഷ്മളമായ ബന്ധമുണ്ടായിരുന്നതായും പിതാവിന്റെ നാടക കമ്പനിക്ക് വേണ്ടി സവർക്കർ ഒരു നാടക രചന നിർവഹിച്ചിരുന്നതായും ലതാ മങ്കേഷ്‌കർ പറഞ്ഞിരുന്നു.
ഭാരതത്തിന്റെ സ്വാതന്ത്ര്യത്തിനായി ധീരമായി പോരാടുകയും ബ്രിട്ടീഷുകാർ തടവിലാക്കി ക്രൂരമായി പീഡിപ്പിച്ചതും ആൻഡമാൻ ജയിലുകളിലെ ഇരുണ്ട അറകളിൽ സ്വജീവിതത്തിന്റെ നല്ല ഭാഗങ്ങൾ ചെലവഴിക്കേണ്ടിവന്ന വ്യക്തിയായിരുന്നു വീര സവർക്കർ. പക്ഷെ സ്വതന്ത്ര ഭാരതത്തിൽ അധികാരത്തിൽ വന്ന കോൺഗ്രസ് സർക്കാരുകൾ അർഹമായ പരിഗണന നൽകാതെ അവഗണിക്കുകയും വർഗ്ഗീയവാദിയായി മുദ്രകുത്തി അവഹേളിക്കുകയും ചെയ്തു. അടൽ ബിഹാരി വാജ്പേയി യുടെ നേതൃത്വത്തിലുള്ള ബിജെപി സർക്കാർ അധികാരത്തിൽ വന്നപ്പോഴാണ് ആ ചരിത്ര പുരുഷനോട് നീതി കാട്ടി ഛായാചിത്രം പോലും പാർലമെന്റിൽ സ്ഥാപിച്ചത്. കപട മതേതര മുഖം മൂടിക്കായി പല പ്രശസ്തരും സവർക്കറെ അവഗണിക്കുകയും അവഹേളിക്കുകയും ചെയ്യുമ്പോഴാണ് ലതാമങ്കേഷ്‌ക്കർ ഭാരത മാതാവിൻറെ ധീരപുത്രനോടുള്ള അടുപ്പം ആവർത്തിച്ച് പ്രഖ്യാപിക്കുന്നത്. പലപ്പോഴും മുൻകാല സർക്കാരുകളുടെ അപ്രീതിക്കും അവരുടെ ഈ നിലപാട് കാരണമായി. കോൺഗ്രസ് സർക്കാരിന്റെ ഭരണകാലത്ത് ലതാ മങ്കേഷ്കറിന്റെ സഹോദരൻ പണ്ഡിറ്റ് ഹൃദയനാഥിനെ സവർക്കർ കവിതകൾക്ക് സംഗീതം നൽകിയതിന്റെ പേരിൽ ആകാശവാണിയിൽ നിന്ന് പിരിച്ച് വിട്ടിരുന്നു. അത്രമാത്രം സവർക്കർ വിരോധം വച്ചു പുലർത്തിയിരുന്നവർക്കിടയിൽ അസാമാന്യ ധൈര്യം കാട്ടിയ അനശ്വര ഗായികക്ക് രാഷ്ട്രത്തിന്റെ ആദരാഞ്ജലി
ലോകബാങ്കിന്റെ ഏറ്റവും പുതിയ അന്താരാഷ്ട്ര കടാന്വേഷണ റിപ്പോർട്ട് പ്രകാരം അയൽരാജ്യമായ പാകിസ്ഥാന്റെ വിദേശക്കടം കഴിഞ്ഞ പത്തുവർഷത്തിനുള്ളിൽ ഇരട്ടിയായി വർദ്ധിച്ചതായി കണക്കുകൾ…
തിരുവനന്തപുരം: സമരപ്പന്തൽ പൊളിച്ചുനീക്കിയാലും യുവാക്കളുടെ നീതിക്കുവേണ്ടിയുള്ള പോരാട്ടം അവസാനിപ്പിക്കാനാകില്ലെന്ന് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ എംഎൽഎ. സെക്രട്ടേറിയറ്റിന് മുന്നിൽ…
പട്ടാമ്പിയിൽ ആൺസുഹൃത്തിനെതിരെ ക്വട്ടേഷൻ ആക്രമണം ആസൂത്രണം ചെയ്തെന്ന കേസിൽ പ്രതിസ്ഥാനത്തുള്ള പെൺകുട്ടികളുടെ പങ്കാണ് ഇപ്പോൾ ചർച്ചയാകുന്നത്. ആൺസുഹൃത്തിന്റെ അമിത നിയന്ത്രണവും…
വൈദ്യുതി വാങ്ങൽ തീരുമാനങ്ങളെച്ചൊല്ലി സർക്കാരിനുള്ളിൽ ഉയർന്ന ഭിന്നത ഭരണതലത്തിലെ ഏകോപനക്കുറവിലേക്കും രാഷ്ട്രീയ പ്രതിസന്ധിയിലേക്കും നീങ്ങുന്നതിനിടെയാണ് നിർണായക ഇടപെടലുണ്ടായത്. ജി.എൻ.എയുമായുള്ള വൈദ്യുതി…
ആഗോളതലത്തിൽ ഭാരതത്തിലേക്കുള്ള വിനോദസഞ്ചാരം, വ്യാപാരം, ചികിത്സ, ഉന്നതവിദ്യാഭ്യാസം എന്നിവയെ പ്രോത്സാഹിപ്പിക്കുന്നതിനായി കേന്ദ്ര ആഭ്യന്തര മന്ത്രാലയം വിസ നടപടിക്രമങ്ങളിൽ വിപ്ലവകരമായ പരിഷ്കാരങ്ങൾ…
കേരളത്തിന്റെ സാംസ്കാരിക ചരിത്രത്തിൽ സമാനതകളില്ലാത്ത സാമൂഹിക മാറ്റത്തിന് വഴിതുറന്ന ചരിത്രപ്രസിദ്ധമായ ക്ഷേത്രപ്രവേശന വിളംബരത്തിന് ഇന്ന് തൊണ്ണൂറ്റാണ്ട് തികയുന്നു. ജാതിവ്യവസ്ഥയുടെയും അടിയുറച്ച…