ലക്ഷ്മി വിലാസ് ബാങ്കിനെ സിംഗപൂർ സ്ഥാപനം വിഴുങ്ങും? ലയന നീക്കം ഉപേക്ഷിക്കണമെന്ന് സ്വദേശി ജാഗരൺ മഞ്ച്

കരൂർ: തമിഴ്‌നാട് ആസ്ഥാനമായുള്ള ലക്ഷ്മി വിലാസ് ബാങ്കിനെ വിദേശ സ്ഥാപനമായ ഡിബിഎസുമായി ലയിപ്പിക്കുന്നതിനെതിരെ സ്വദേശി ജാഗരൻ മഞ്ച്. ഇക്കാര്യത്തിൽ സുതാര്യത പുലർത്താനും നിർദ്ദിഷ്ട ലക്ഷ്മി വിലാസ് ബാങ്ക് ഡിബിഎസുമായി ലയിപ്പിക്കുന്നത് പുന പരിശോധിക്കാനും റിസർവ് ബാങ്കിനോട് അഭ്യർത്ഥിച്ച് സ്വദേശി ജാഗരൻ മഞ്ച്.

നാഷണൽ കൺവീനർ സ്വദേശി ജഗരൻ മഞ്ച് അശ്വനി മഹാജൻ റിസർവ് ബാങ്ക് ഗവർണർക്ക് അയച്ച കത്തിൽ ദേശീയ മാധ്യമങ്ങളിൽ പ്രസിദ്ധീകരിച്ച വാർത്തകളിലേക്കും ശ്രദ്ധ ക്ഷണിച്ചു. ഡി‌ബി‌എസ് സിംഗപ്പൂരിന്റെ പൂർണ ഉടമസ്ഥതയിലുള്ള സബ്‌സിഡിയറി ബാങ്ക് ആയ ലക്ഷ്മി വിലാസ് ബാങ്കിലെ നിക്ഷേപകരെ സംരക്ഷിക്കാനുള്ള റിസർവ് ബാങ്കിന്റെ ഉദ്ദേശ്യത്തെ സ്വദേശി ജഗരൻ മഞ്ച് വിലമതിക്കുന്നുണ്ടെന്നും ദേശീയ താൽപ്പര്യങ്ങളിൽ വിട്ടുവീഴ്ച ചെയ്യാതെ ഇതേ ലക്ഷ്യം കൈവരിക്കാനാകുമെന്ന് ഞങ്ങൾ വിശ്വസിക്കുന്നു എന്നും അശ്വനി മഹാജൻ റിസർവ് ബാങ്ക് ഗവർണർക്ക് അയച്ച കത്തിൽ പറയുന്നു.