അർജന്റീനിയൻ ഫുട്ബോള് ഇതിഹാസം ലയണല് മെസി ഈ വർഷം ഒക്ടോബര് 25-ന് കേരളത്തിലെത്തും. ഒരാഴ്ചക്കാലം മെസി കേരളത്തിലുണ്ടാവുമെന്നും സംസ്ഥാന കായിക മന്ത്രി വി. അബ്ദുറഹ്മാന് പറഞ്ഞു. ഒക്ടോബർ 25 മുതൽ നവംബര് രണ്ടുവരെയുള്ള 7 ദിവസമാണ് മെസി കേരളത്തില് തുടരുക. സൗഹൃദമത്സരത്തിന് പുറമേ മെസി പൊതുപരിപാടിയിലും പങ്കെടുക്കും. 20 മിനിറ്റാണ് ഇതിനായി അനുവദിച്ചിരിക്കുന്നത്. കൂടുതൽ വിവരങ്ങൾ വരും ദിവസങ്ങളിൽ പുറത്തു വരുമെന്നാണ് കരുതുന്നത്
ഖത്തര് ലോകകപ്പില് കിരീടമുയര്ത്തിയ അര്ജന്റീന, ഇന്ത്യയില് സൗഹൃദമത്സരം കളിക്കാന് തയ്യാറാണെന്ന് ഇന്ത്യന് ഫുട്ബോള് അസോസിയേഷനെ അറിയിച്ചിരുന്നു. മത്സരത്തിനുള്ള വമ്പിച്ച ചെലവ് താങ്ങാന് കഴിയില്ലെന്ന കാരണത്താല് അസോസിയേഷന് ഈ ക്ഷണം നിരാകരിച്ചിരുന്നു. . 2022-ലെ ലോകകപ്പ് നേട്ടത്തിനുശേഷം അര്ജന്റീന ഫുട്ബോള് അസോസിയേഷന് കേരളത്തെ പരാമര്ശിച്ച് ആരാധകര്ക്ക് നന്ദിയറിയിച്ചിരുന്നു.
