ദില്ലി : പ്രധാനമന്ത്രി നരേന്ദ്രമോദിയുമായി കൂടിക്കാഴ്ച നടത്തി പ്രമുഖ വ്യവസായിയും ലുലു ഗ്രൂപ്പ് ചെയര്മാനുമായ എം.എ യൂസഫലി. ജമ്മു കശ്മീരിലെ ശ്രീനഗറിലും ഗുജറാത്തിലെ അഹമ്മദാബാദിലും ലുലു ഗ്രൂപ്പ് ആരംഭിക്കുന്ന ഷോപ്പിംഗ് മാള് പദ്ധതികളുടെ പ്രവര്ത്തനം പുരോഗമിക്കുന്നതിനിടെയാണ് പ്രധാനമന്ത്രിയുമായുള്ള എം.എ യുസഫലിയുടെ സന്ദർശനം . പദ്ധതികളുടെ പുരോഗതിയെക്കുറിച്ചും വിവിധ സംസ്ഥാനങ്ങളിലെ ലുലു ഗ്രൂപ്പിന്റെ ഭാവി പദ്ധതികളെപ്പറ്റിയും പ്രധാനമന്ത്രി മോദിയുമായി നടത്തിയ കൂടിക്കാഴ്ചയില് യൂസഫലി അദ്ദേഹത്തെ ധരിപ്പിച്ചു.
ലോക് കല്യാണ് മാര്ഗിലെ പ്രധാനമന്ത്രിയുടെ ഔദ്യോഗിക വസതിയില് നടന്ന കൂടിക്കാഴ്ചയില് നരേന്ദ്ര മോദിക്ക് യൂസഫലി ഈദ് ആശംസകള് നേര്ന്നു.അദ്ദേഹം പ്രധാനമന്ത്രിക്ക് വിശദീകരിച്ചു. കശ്മീര്, വടക്ക് കിഴക്കന് സംസ്ഥാനങ്ങള് എന്നിവയടക്കമുള്ള പ്രദേശങ്ങളില് നിന്ന് കൂടുതല് കാര്ഷികോത്പ്പന്നങ്ങള് സംഭരിച്ച് ഗള്ഫ് രാജ്യങ്ങളിലേക്ക് കയറ്റുമതി ചെയ്യുന്ന പദ്ധതിയുടെ പുരോഗതിയും യൂസഫലി പ്രധാനമന്ത്രിയെ ധരിപ്പിച്ചു.
