മധ്യപ്രദേശിൽ ക്ഷേത്രം അടിച്ചുതകർത്ത സംഭവം; ഒരാൾ അറസ്റ്റിൽ; പിടിയിലായത് കൊടുംക്രിമിനൽ

ഭോപ്പാൽ: മധ്യപ്രദേശിൽ ശിവ-പാർവ്വതി ക്ഷേത്രവും വീടുകളും അടിച്ചു തകർത്ത സംഭവത്തിൽ ഒരാൾ അറസ്റ്റിൽ (One Arrested For Temple Attack In Madhya Pradesh). ബണ്ടി ഉപാധ്യായ എന്ന ആളെയാണ് പോലീസ് അറസ്റ്റ് ചെയ്തത്. പ്രതി മദ്യലഹരിയിൽ ചെയ്തതാണെന്നാണ് പ്രാഥമിക നിഗമനം. എന്നാൽ ഇയാൾ മറ്റെന്തെങ്കിലും ഉദ്ദേശ്യത്തിൽ ചെയ്തതാണോയെന്ന് ഉൾപ്പെടെ പരിശോധിക്കുന്നുണ്ട്.

ഖന്ദ്വ ജില്ലയിൽ ജനുവരി അഞ്ചിനായിരുന്നു കേസിനാസ്പദമായ സംഭവം നടന്നത്. മുസ്ലീം സമുദായക്കാരുടെ രണ്ട് വീടുകളും ഹിന്ദുക്കൾ താമസിക്കുന്ന ഒരു വീടും തകർത്ത പ്രതി അതേദിവസം തന്നെ സമീപത്തെ ശിവ-പാർവ്വതി ക്ഷേത്രവും തകർത്തിരുന്നു. അതേസമയം ബണ്ടി ഉപാധ്യായ എന്ന പ്രതി നിരവധി ക്രമിനൽ പശ്ചാത്തലമുള്ളയാളാണെന്ന് പോലീസ് പ്രതികരിച്ചു. ഖന്ദ്വ ജില്ലയിലെ കോദിയ ഹനുമാൻ ക്ഷേത്രത്തിന് സമീപമാണ് സംഭവമുണ്ടായത്. ബണ്ടിക്കെതിരെ 28 കേസുകൾ നിലവിലുണ്ട്.