മലപ്പുറത്ത് ഓട്ടോറിക്ഷക്കുള്ളിൽ ഉഗ്രസ്ഫോടനം; മൂന്ന് പേർ കൊല്ലപ്പെട്ടു

മലപ്പുറം: മലപ്പുറത്ത് ഓട്ടോറിക്ഷക്കുള്ളിൽ ഉഗ്രസ്ഫോടനം. സ്‌ഫോടനത്തിൽ മേലാറ്റൂരിൽ ഒരു കുടുംബത്തിലെ മൂന്ന് പേർ കൊല്ലപ്പെട്ടു. ഗുഡ്സ് ഓട്ടോറിക്ഷയിലാണ് രണ്ട് പേരുടെ കത്തിക്കരിഞ്ഞ മൃതദേഹം കണ്ടെത്തിയത്. പാണ്ടിക്കാട് പലയന്തോൾ മുഹമ്മദ്‌ അയാളുടെ ഭാര്യ ജാസ്മിൻ ഇവരുടെ ഒരു മകൾ എന്നിവരാണ് മരിച്ചത്. സാരമായി പരിക്കേറ്റ ഇവരുടെ മറ്റൊരു മകളെ ആശുപത്രിയിൽ പ്രവേശിപ്പിച്ചിരിക്കുകയാണ്. ജാസ്മിനേയും മകളേയും ഗുഡ്സ് ഓട്ടോയിലിട്ട് സ്‌ഫോടക വസ്തു ഉപയോഗിച്ച് കത്തിച്ച ശേഷം ഭർത്താവ് തീ കൊളുത്തി കിണറ്റിൽ ചാടിയെന്നാണ് നിഗമനം.

ഭാര്യയുടെ തറവാട് വീട്ടിന് സമീപത്ത് വച്ച് ഉച്ചയ്ക്ക് ഒരു മണിയോടെയാണ് സംഭവം. ഇന്നു രാവിലെ ഇവിടെ എത്തിയ ഇയാൾ ഭാര്യയേയും മക്കളേയും അടുത്തുള്ള റബ്ബർ തോട്ടത്തിന് സമീപത്തേക്ക് വരുത്തുകയായിന്നുവെന്നാണ് വിവരം. ഇവിടെ വച്ച് മുഹമ്മദും ഭാര്യയും തമ്മിൽ വാക്കേറ്റമായി. പിന്നാലെ ഭാര്യയേയും രണ്ടു മക്കളേയും വണ്ടിയിൽ കേറ്റി ഇയാൾലോക്ക് ചെയ്തു. ഈ സമയത്ത് ജാസ്മിൻ്റെ സഹോദരിമാ‍ർ ബഹളം കേട്ട് സ്ഥലത്തേക്ക് എത്തി. മുഹമ്മദ് വാഹനത്തിന് തീകൊളുത്തിയ കണ്ട സഹോദരിമാരിൽ ഒരാൾ രണ്ടു കുട്ടികളിൽ ഒരാളെ വലിച്ചു പുറത്തേക്കിട്ടു. ആ പെൺകുട്ടി സാരമായ പരിക്കുകളോടെ ആശുപത്രിയിലാണ്.

വാഹനം കത്തിക്കാൻ മുഹമ്മദ് സ്ഫോടക വസ്തുക്കൾ ഉപയോ​ഗിച്ചിട്ടുണ്ട്. വലിയ സ്ഫോടന ശബ്ദത്തോടെയാണ് വാഹനം കത്തിയത് എന്നാണ് പ്രദേശവാസികൾ പറയുന്നത്. ശബ്​ദം കേട്ട് ഓടിയെത്തിയ സമീപവാസികൾ വെള്ളമൊഴിച്ച് തീകെടുത്താൻ നോക്കിയെങ്കിലും വാഹനത്തിൽ നിന്നും സ്ഫോടനം ഉണ്ടായികൊണ്ടിരുന്നു. അതിനാൽ തന്നെ ആളുകൾക്ക് രക്ഷാപ്രവർത്തനം സാധിക്കാത്ത സ്ഥിതിയുണ്ടായി.

തുടർന്ന് ഫയർഫോഴ്സ് ഉദ്യോ​ഗസ്ഥ‍ർ സ്ഥലത്ത് എത്തിയാണ് തീയണച്ചത്. എന്നാൽ ഈ സമയം കൊണ്ട് തന്നെ ജാസ്മിനും മകളും അടങ്ങിയ വാഹനം നിന്നു കത്തി. വാഹനം കത്തിച്ച ഉടനെ തന്നെ സ്വയം തീകൊളുത്തിയ മുഹമ്മദ് ഓടി അടുത്തുള്ള കിണറ്റിലേക്ക് ചാടി ആത്മഹത്യ ചെയ്യുകയും ചെയ്തിരുന്നു.

തുടർന്ന് ഫയർഫോഴ്സ് ഉദ്യോ​ഗസ്ഥ‍ർ സ്ഥലത്ത് എത്തിയാണ് തീയണച്ചത്. എന്നാൽ ഈ സമയം കൊണ്ട് തന്നെ ജാസ്മിനും മകളും അടങ്ങിയ വാഹനം നിന്നു കത്തി. വാഹനം കത്തിച്ച ഉടനെ തന്നെ സ്വയം തീകൊളുത്തിയ മുഹമ്മദ് ഓടി അടുത്തുള്ള കിണറ്റിലേക്ക് ചാടി ആത്മഹത്യ ചെയ്യുകയും ചെയ്തിരുന്നു.