സമൂഹ മാധ്യമങ്ങളിലൂടെ പരിചയപ്പെട്ട് പെൺകുട്ടികളോട് നഗ്‌ന ഫോട്ടോകൾ ആവശ്യപ്പെടും; ഫോട്ടോകൾ കിട്ടിയാൽ പീഡിപ്പിക്കാനും സ്വർണ്ണാഭരണങ്ങൾ കൈക്കലാക്കാനും ശ്രമിക്കും; പ്രതി മുഹമ്മദ് സാദിഖിനെ പിടികൂടി നിലമ്പൂർ പോലീസ്

നിലമ്പൂർ: പ്രായപൂർത്തിയാകാത്ത പെൺകുട്ടിയെ സമൂഹമാധ്യമങ്ങളിലൂടെ പരിചയപ്പെടുകയും നഗ്ന ഫോട്ടോകൾ കൈക്കലാക്കി പീഡിപ്പിക്കാൻ ശ്രമിക്കുകയും ചെയ്‌തെന്ന പരാതിയിൽ യുവാവ് അറസ്റ്റിൽ. കോഴിക്കോട് കാക്കൂർ പാവണ്ടൂർ സ്വദേശി മുഹമ്മദ് സാദിഖിനെ (19) ആണ് ഇൻസ്പെക്ടർ പി.വിഷ്ണു അറസ്റ്റ് ചെയ്തത്. സമൂഹമാധ്യമങ്ങളിലൂടെ പരിചയപ്പെടുകയും സൗഹൃദം സ്ഥാപിക്കുകയും ചെയ്തശേഷം പെൺകുട്ടിയുടെ നഗ്ന ഫോട്ടോകൾ കൈക്കലാക്കുകയായിരുന്നു. തുടർന്ന് ഫോട്ടോകൾ പരസ്യപ്പെടുത്തുമെന്ന് പറഞ്ഞ് പീഡിപ്പിക്കാനും സ്വർണാഭരണങ്ങൾ തട്ടിയെടുക്കാനും ശ്രമിച്ചതായാണ് പരാതിയിൽ പറയുന്നു.

ചൈൽഡ്‌ലൈനിനെ അറിയിച്ചതിനെത്തുടർന്നാണ് പൊലീസ് നിലമ്പൂർ പോലീസ് കേസെടുത്തത്. എസ്ഐ കെ ശശികുമാർ, സിപിഒമാരായ അഭിലാഷ് കൈപ്പിനി, ടി.നിബിൻദാസ്, ജിയോ ജേക്കബ് എന്നിവരാണ് സാദിഖിനെ പിടികൂടിയത്.