കാലം ഇങ്ങനെ മുന്നോട്ടു ഉരുളും…മാറാതെ എന്നും ഇങ്ങനെ ഈ മനുഷ്യൻ: മമ്മൂട്ടിയുടെ പുതിയ ഫോട്ടോ കണ്ട് കണ്ണുതള്ളി ആരാധകർ

സോഷ്യൽ മീഡിയയ്ക്ക് തീ പിടിപ്പിച്ചിരിക്കുകയാണ് മമ്മൂട്ടിയുടെ പുതിയ ചിത്രം. ഒരു വൻപരിപാടി വരുന്നുണ്ടെന്ന് പറഞ്ഞപ്പോൾ ഇത്രവലിയ അഗ്നിപർവ്വതം ആവുമെന്ന് കരുതിയില്ല എന്ന് പറഞ്ഞതുപ്പോലെ ആണ് ആരാധകർ. മമ്മൂട്ടി ഇന്‍സ്റ്റഗ്രാമില്‍ പങ്കുവെച്ച ഫോട്ടോയാണ് ഇന്ന് സമൂഹമാധ്യമങ്ങളിൽ ഇത്ര ഓളം ഉണ്ടാക്കാനുള്ള കാരണം. അതീവ സ്റ്റൈലിഷ് ലുക്കിലുള്ളതാണ് മമ്മുട്ടിയുടെ ചിത്രം. ബ്ലാക്ക് ആൻഡ് വൈറ്റിലുള്ള ചിത്രം ആരാധകരുടെ മാത്രമല്ല സിനിമാ താരങ്ങളുടേയും മനസു കീഴടക്കുകയാണ്.

വെള്ള ടീ ഷർട്ടും, പാന്റും ധരിച്ച് ചുമരിൽ ചാരി നിൽക്കുന്ന മമ്മൂട്ടിയാണ് ചിത്രത്തിൽ. ബ്ലാക്ക് ആൻഡ് വൈറ്റ് എന്ന അടിക്കുറിപ്പിലാണ് ചിത്രം മമ്മൂട്ടി പങ്കുവെച്ചത്. ചിത്രം ബ്ലാക്ക് ആൻഡ് വൈറ്റ് ആണെകിലും ഇത് കണ്ടപ്പോൾ ഇന്നത്തെ ദിവസം കളർ ആയി എന്ന് തുടങ്ങുന്ന കമെന്റുകളാണ് വരുന്നത്. ഒപ്പം ദുൽഖറും രംഗത്ത് എത്തി. ചക്രവർത്തി എന്നാണ് വാപ്പിച്ചിയുടെ ചിത്രത്തിന് ദുൽഖർ കുറിച്ചത്. എങ്ങനെയാണ് അദ്ദേഹം ചെറുപ്പമായിരിക്കുന്നത് എന്നായിരുന്നു പൃഥ്വിരാജിന്റെ കമന്റ്. കൂട്ടത്തില്‍ ഗായകന്‍ വിജയ് യേശുദാസിന്റെ കമന്റാണ് ചിരിയുണര്‍ത്തുന്നത്. ‘ഇങ്ങേരുടെ ഒരു കാര്യം, നമ്മളൊക്കെ വെറുതെ’ എന്നാണ് വിജയ് യേശുദാസ് പറയുന്നത്. രസകരമായ കമന്റുകളുമായി ആരാധകരും എത്തുന്നുണ്ട്. ‘അറിയാത്തതു കൊണ്ട് ചോദിക്കുവാ ഇതെന്തു ഭാവിച്ചാണ് ഞങ്ങൾ ചെറുപ്പക്കാർക്ക് ജീവിക്കണ്ടേ ചുള്ളൻ മമ്മൂക്ക’ എന്നാണ് മറ്റൊരു കമന്റ്. എന്തായാലും ആരാധകർ ചിത്രം ആഘോഷമാക്കുകയാണ്.

പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona