കാമുകിയെ ക്രൂരമായി മർദ്ദിച്ചു; യുണൈറ്റഡ് താരം മേസൺ ഗ്രീൻവുഡ് അറസ്റ്റിൽ; താരത്തെ പുറത്താക്കി യുണൈറ്റഡ്

കാമുകിയുടെ പീഡന പരാതിയെ തുടർന്ന് മാഞ്ചസ്റ്റർ യുണൈറ്റഡിൻ്റെ യുവ ഇംഗ്ലണ്ട് താരം മേസൺ ഗ്രീൻവുഡ് (Mason Green wood) അറസ്റ്റിൽ. ഗ്രേറ്റര്‍ മാഞ്ചസ്റ്റര്‍ പൊലീസാണ് 20കാരനായ താരത്തിന്റെ അറസ്റ്റ് രേഖപ്പെടുത്തിയത്. പൊലീസ് ഇത്​ ഔദ്യോഗികമായി സ്​ഥിരീകരിച്ചു.

ഇന്നലെയാണ് ഗ്രീൻവുഡിന്റെ കാമുകി താരത്തിനെതിരെ ഗുരുതര ആരോപണവുമായി ഇൻസ്ഗ്രാമിൽ പോസ്റ്റുമായി വന്നത്. താരം തന്നെ ലൈംഗികമായും ശാരീരികമായും പീഡിപ്പിക്കുന്നു എന്ന തരത്തിൽ “നോക്കൂ മേസൺ ഗ്രീൻവുഡ്‌ എന്താണ് എന്നോട് ചെയ്തതെന്ന്” എന്ന് പറഞ്ഞായിരുന്നു വിഡിയോകളും ഫോട്ടോസുമടക്കം ഇര പോസ്റ്റ് ചെയ്തത്. വായില്‍ നിന്ന് ചോരയൊലിക്കുന്ന വീഡിയോ അടക്കം ഞെട്ടിക്കുന്ന വീഡിയോകളാണ് ഹാരിയറ്റ് പുറത്തുവിട്ടത്. മേസണ്‍ ഗ്രീന്‍വുഡ് എന്നോട് ചെയ്ത് എന്താണെന്ന് അറിയണമെന്നുള്ളവര്‍ ഈ വീഡിയോയും ദൃശ്യങ്ങളും കാണുക എന്ന അടിക്കുറിപ്പോടെയാണ് ഹാരിയറ്റ് ചിത്രങ്ങളും ദൃശ്യങ്ങളും പുറത്തുവിട്ടത്.

അതേസമയം ഇനി ഒരു അറിയിപ്പ് ഉണ്ടാവുന്നത് വരെ ഗ്രീൻവുഡ് ക്ലബിനൊപ്പം ഉണ്ടാവില്ലെന്ന് മാഞ്ചസ്റ്റർ യുണൈറ്റഡും അറിയിച്ചു. താരം ടീമിനൊപ്പം പരിശീലനം നടത്തുകയോ കളിക്കുകയോ ചെയ്യില്ല. സംഭവത്തിൽ ക്ലബ് സ്വമേധയാ അന്വേഷണം നടത്തുമെന്നും യുണൈറ്റഡ് വ്യക്തമാക്കി.