കപ്പലണ്ടിയുടെ എരിവ്​ കുറഞ്ഞു; കൊ​ല്ലം ബീച്ചില്‍ കൂട്ടയടി; ഒടുവിൽ പോലീസ് കേസും

കൊ​ല്ലം: ‘ക​പ്പ​ല​ണ്ടി​യു​ടെ എ​രി​വ്​ കു​റ​ഞ്ഞു’ എ​ന്ന പേ​രി​ല്‍ തു​ട​ങ്ങി​യ ത​ര്‍​ക്കം കൊ​ല്ലം ബീ​ച്ചി​ല്‍ കൂ​ട്ട​യ​ടി​യി​ലും പോ​ലീ​സ്​ കേ​സി​ലും ക​ലാ​ശി​ച്ചു. കഴിഞ്ഞ ദിവസമാണ് സംഭവം

കൊ​ല്ലം ബീ​ച്ച്‌ സ​ന്ദ​ര്‍​ശി​ക്കാ​നെ​ത്തി​യ കി​ളി​​മാ​നൂ​ര്‍ പ​ള്ളി​ക്ക​ല്‍ സ്വ​ദേ​ശി​ക​ളാ​യ കു​ടും​ബ​വും ക​ച്ച​വ​ട​ക്കാ​രും ത​മ്മി​ലാ​ണ്​ ത​ര്‍​ക്ക​വും സം​ഘ​ര്‍​ഷ​വു​മു​ണ്ടാ​യ​ത്.

ബുധനാഴ്ച വൈ​കീ​ട്ടാ​ണ്​ ബീ​ച്ചി​ല്‍ വച്ച് ഇ​രു​കൂ​ട്ട​രും ഏ​റ്റു​മു​ട്ടി​യ​ത്. മൂ​ന്ന് സ്ത്രീ​ക​ളും ര​ണ്ട് പു​രു​ഷ​ന്മാ​രും അ​ട​ങ്ങി​യ സം​ഘം ബീ​ച്ചി​ന് സ​മീ​പ​ത്തെ ക​ട​യി​ല്‍ നി​ന്നും ക​പ്പ​ല​ണ്ടി വാ​ങ്ങി​യി​രു​ന്നു.

തു​ട​ര്‍​ന്ന്​ കപ്പലണ്ടി ക​ഴി​ച്ച​പ്പോ​ള്‍ എ​രി​വ് കു​റ​ഞ്ഞെ​ന്ന് പ​റ​ഞ്ഞ് തി​രി​കെ എ​ടു​ക്ക​ണ​മെ​ന്ന്​ സം​ഘ​ത്തി​ലെ യു​വാ​വ്​ പ​റ​ഞ്ഞു.

എന്നാൽ കോ​വി​ഡ് സാ​ഹ​ച​ര്യ​ത്തി​ല്‍ ക​പ്പ​ല​ണ്ടി തി​രി​കെ വാ​ങ്ങാ​ന്‍ വ​യോ​ധി​ക​നാ​യ ക​ച്ച​വ​ട​ക്കാ​ര​ന്‍ വി​സ​മ്മ​തി​കുകയും തു​ട​ര്‍​ന്നു​ണ്ടാ​യ വാ​ക്കേ​റ്റ​ത്തി​ല്‍ യു​വാ​വ്​ ക​പ്പ​ല​ണ്ടി ക​ച്ച​വ​ട​ക്കാരന്റെ മു​ന്നി​ല്‍ ​വ​ച്ച്‌ വാങ്ങിയ കപ്പലണ്ടി വ​ലി​ച്ചെ​റി​യുകയും ചെയ്തു.

തു​ട​ര്‍​ന്ന്​ സ​മീ​പ​ത്തെ ക​ച്ച​വ​ട​ക്കാ​രും ഇ​ട​പെ​ട്ട​തോ​ടെ ത​ര്‍​ക്കം സം​ഘ​ര്‍​ഷ​ത്തി​ല്‍ ക​ലാ​ശി​ക്കു​ക​യാ​യി​രു​ന്നു. സം​ഘ​ര്‍​ഷ​ത്തി​ല്‍ പ​ള്ളി​ക്ക​ല്‍ സ്വ​ദേ​ശി​യാ​യ യു​വാ​വി​ന്‍റ അ​മ്മ​ക്കും ഐ​സ്ക്രീം ക​ച്ച​വ​ട​ക്കാ​ര​നും പ​രി​ക്കേ​റ്റു. സം​ഘ​ര്‍​ഷ​സ്ഥ​ല​ത്ത് ആ​ളു​ക​ള്‍ ത​ടി​ച്ചു​കൂടുകയും ചെയ്തു.

വി​വ​ര​മ​റി​ഞ്ഞ് കൊല്ലം ഈ​സ്​​റ്റ്​ പോ​ലീ​സ് സ്ഥ​ല​ത്തെ​ത്തി. ഇ​രു​കൂ​ട്ട​ര്‍​ക്കും പ​രാ​തി​യി​ല്ലാ​യി​രു​ന്നു. എ​ന്നാ​ല്‍, പൊ​തു​സ്ഥ​ല​ത്ത്​ സം​ഘ​ര്‍​ഷം ഉ​ണ്ടാ​ക്കി​യ​തി​ന്​ പോ​ലീ​സ്​ സ്വ​മേ​ധ​യാ കേ​സെ​ടു​ത്ത് ഇ​രു​കൂ​ട്ട​രെ​യും സ്​​റ്റേ​ഷ​നി​ലെ​ത്തി​ച്ചു. പി​ന്നീ​ട് ഇവരെ ജാ​മ്യ​ത്തി​ല്‍ വി​ട്ടു. പ​രി​ക്കേ​റ്റ​വ​ര്‍ ആ​ശു​പ​ത്രി​യി​ല്‍ ചി​കി​ത്സ​തേ​ടി.